Popular Bible Verses from Jekaria 9

Share

Wubed ki yomcwiny madwoŋ, wun jo Cion! wugo kijira, wun jo Jerucalem! Wunen ka kabakawu bino botwu; ki waya me loyo lweny, kun obedo wi kana ki mwolo, i wi latin kana

Abijwero gadigadi lweny woko ki i Epraim, ki aguragura lweny ki i Jerucalem, atum me lweny ducu gibiturogi woko. En aye bitito lok me kuc bot rok ducu; kerre biloyo piny nia i nam tuŋcel nio i nam mukene, kun a ki i kulu Euprate o wa i agikki lobo.

I nino meno Rwot Lubaŋa bilarogi macalo romine, pien gin jone; macalo litino kidi me wel ma ryeny i kom lalukana gibibedo ka ryeny i lobone kit meno.