Popular Bible Verses from Jo Roma 2

Share

Doŋ in dano ma iŋolo kop i kom jo mukene ma gitimo gin macalo meno-ni, kun in kikomi bene itimo, itamo ni ibibwot ki ŋolo kop pa Lubaŋa? Nyo icayo lonyo me kica pa Lubaŋa ki kit ma en jukke kwede pi bal pa dano, ki kit ma en diyo kwede cwinye. Adada in iŋeyo ni Lubaŋa lakica, pien teli wek iŋut i kom balli.

Pi meno, gin mo ma myero ipid pire doŋ pe, in dano, kadi in aŋa, ka iŋolo kop i kom dano lawoti; pien pi kop ma iŋolo i kom dano mukene ca, noŋo doŋ iŋolo kop oloyi woko, pien in laŋolkop kikomi bene itimo kit gin acel-lu.

pien Lubaŋa gire pe leŋŋe tuŋ bot dano mo pi kit ma en tye kwede.

Man pe te lokke ni jo ma winyo lok me cik awinya ki itgi gin aye jo ma kitgi atir i nyim Lubaŋa; ento jo ma tiyo gin ma cik mito aye gibikwanogi ni gin jo ma kitgi atir.

En biculo dano acel acel kun lubo kit tic ma dano mo-ni otiyo.

Ento dano ma gilaro dito, ma pe gilubo lok ada, ento gilubo gigi kit marac, Lubaŋa biculogi kun timogi ki akemo dok ki kiniga mager atika.

Ento pi tek cwinyi, en cwinyi ma idag ŋut kwede-ni, meno itye ka kano giri mono me akemo pa Lubaŋa piri keni pi kuro nino me akemo, en kare ma gibinyuto iye ŋolo kop ma atir pa Lubaŋa.