Popular Bible Verses from Jabuli 103

Share

Pwo Rwot, in tipona; wii pe myero owil i kom mot ducu mabeco ma en omiyi.

En ma weko balla ducu, en bene ma caŋo two ducu ki i koma. En olaro kwona omiyo pe adonyo i bur, oketo mar mere ma pe lokke kacel ki kicane i koma; en miya jami mabeco pi kare me kwona ducu, kun roco tekona kare ki kare macalo pa ocur.

Pwo Rwot, in tipona; kwona ducu myero opak nyiŋ Rwot maleŋ!

Macalo wegi litino bedo ki kica i kom litinogi, Rwot bene kica mako kit meno i kom jo ma lwore.

Kit macalo tuŋ wokceŋ tye bor kwede ki tuŋ potocen-ni, en kwanyo balwa woko ducu ki i komwa cwalo ka mabor kit meno.

Rwot lakica dok maro dano, kiniga pe make oyot, mar mere ma pe lokke dwoŋ

En pe timowa kun poro bal ma watimo, dok pe culo kwor i komwa kun poro kit roc ducu ma watimo. Kit macalo polo tye malo i wi lobo, mar mere ma pe lokke bene dit kit meno bot jo ma lwore.

Rwot ocibo komkerre i polo; en kabaka ma loyo ducu.