Popular Bible Verses from Carolok 21

Share

Ŋat ma bedo ki Lencwiny dok ki kica, bibedo ki kwo pi kare malac; ci jo mapol bene gibiwore.

Ŋat ma yubo yubbe ma noŋo koŋ oketo i tam, bilimo jami madwoŋ ata; ento ŋat ma tiyo jami oyotoyot bibedo lacan.

Ŋat ma gwokke i kom lok ducu ma en loko, pe twero bedo ki ayela mo.

Dano neno ni gin ducu ma etimo tye atir ki tuŋ bote, ento Rwot aye neno cwinye ka leŋ.

Gitwero coko aguragura kacel ma doŋ giyubogi pi kuro nino me lweny, ento loyo lweny twerone tye bot Rwot.

Tiyo gin ma atir, ki ŋolo kop atir, yomo cwiny Rwot makato gitum.

Ryeko, niaŋ ki tam ma gimiyo me konyo dano, magi ducu pe konyo dano ma pyem ki Rwot.

Ŋat ma diŋo ite woko ka winyo koko pa lucan, en bene ka bikok pi kony, ŋat mo pe biwinyo kokone wacel.