Popular Bible Verses from Carolok 13

Share

Ŋat ma bedo kacel ki jo maryek pwonnye doko ryek bene, ento ŋat ma mako lurem ki lumiŋ kite biballe woko.

Ŋat ma gwekke i lok ma en loko gigwoko kwone; ento ŋat ma loko lok ata, can poto i kome cut.

Dano ma pe pwodo latinne ki odoo noŋo pe mare, ŋat ma maro latinne keto cwinye me pwode ka noŋo abalo.

Gen ma pe gicobo miyo two i cwiny dano, doŋ mit ka ocobbe kakare tye macalo yat me kwo.

Kit ma atir gwoko ŋat ma pe ki bal mo, ento bal tyeko jo maraco woko at yeka ducu.

Lonyo ma ginoŋo oyotoyot rwenyo woko, ŋat ma noŋo lonyo manoknok lonyone bimedde.

Wakke kelo ayelayela keken, ento jo ma giwinyo lok me tam ma gimiyo botgi gibedo maryek.

Dano ma kite ber weko lonyone bot likwaye macalo ginaleyagi, kun noŋo ŋat ma labal kano mere lonyone pi ŋat ma kite at ir.

Latin maryek winyo pwony ki juk pa wonne, ento latin ma Laŋala pe winyo lok ma gijuke kwede.

Dano ma kwero juk noŋo can ki cwercwiny; ento ŋat ma ye juk dano giworo.