Popular Bible Verses from Carolok 11

Share

Dano ma cwinye yom i miyo mot gimedo lonyo madwoŋ bote, Ŋat ma konyo jo mukene en bene gibikonye.

Jo mogo ma gimiyo limgi kit ma cwinygi opwoyo, gilony gimedde ameda; jo mukene gikano limgi akana ma pe gimito miyone, ci gidoko lucan marac.

Jo ma wakke gibibedo ki cwerwiny; ento jo mamwol gibibedo ki rveko.

Ka ce ineno rok mo pe tye ki dano mo ma telogi maber, ci rok meno poto woko; bedo ki jo mapol ma gin lumi-tam kelo kuc ki bedo maber.

Ŋat ma kite atir limo kwo macalo adwoggi me bedone atir, doŋ bedo laboŋo lubo cik rwenyo kwo pa dano arwenya.

Ŋat ma woto ki lok me kwot i kin gaŋ tuco muŋ woko, ŋat ma lagen i cwinye kene aye kano lok me muŋ.

Dano ma lakica limo kony pire kene, ento dano mager keto ret i kome kene.

Ŋat ma geno lonyone, bipoto; dano ma kite atir bedo mere ki kwo maber macalo yat ma pote dyak.

I kare me akemo pa Rwot, lonyo doko gin ma konnye pe, bedo ki kit atir aye twero laro dano ki i to.

Jo ma cwinygi atir leŋcwanygi telogi, ento jo ma gin lubal ma kitgi raco gito gitum woko.

Dako ma nen mwonya maber, ka ce pe romo poko kin gin maber ki marac, noŋo rom ki agit jabu ma girwako i um opego.

Rwot dag jo ma gipimo jami ki mijan ma pe pimo kakare, cwinye yom i kom jo ma gitye ki mijan ma pimo jami kakare.