Popular Bible Verses from Wel 14

Share

Ento pe wujem i kom Rwot; dok pe wulwor wegi lobo-nu, pien gin kwon me acamawa mere. Gin mo ma geŋo ŋegi doŋ pe, dok Rwot tye tuŋ botwa; pe wulworgi.”

‘Rwot kiniga pe mako oyot, mar mere ma pe lokke dwoŋ; en weko bal ki tim aranyi pa dano, ento pe kwanyo kop i kom lubalo. En keto can i kom likwayo ki i kom Likwayo pa likwayogi pi bal pa kwarogi nio i yalwak me adek ki me aŋwen.’

Ka i Rwot obedo yom i komwa, en biterowa i lobo-nu, ci miyo i cinwa, en aye lobo ma mol cak ki moo kic.

Ento laticca Kaleb abitero i lobo ma yam ocito iye-ni, ci Likwaye bicamo, pien en tye ki cwiny mapat, dok en tye ka lubo gin ma amito ducu kakare atir.

Wac botgi ni an Rwot awacci, ‘Macalo atye makwo-ni, gin ma doŋ wuwaco ma awinyo ki ita abitiyo botwu.

Ci Rwot owaco bot Moses ni, “Jo man gibicaya pi kare ma rom mene? Gibikwero ye an pi kare ma rom mene, kadi bed atiyo lwak lanyut ducu ma rom man i kingi?

Jo Icrael ducu gubedo ka nur i kom Moses ki Aron, ci lwakgi ducu guwaco botgi ni, “Kono nene wato giwa ki i Ejipt, kono ber! Nyo kono nene wato ki i tim kany!

Ci Yocwa wod pa Nun ki Kaleb wod pa Jepune ma yam gitye i kin jo ma guroto lobo-nu guyeco boŋŋigi kekengi pien cwinygi ocwer. Guwa, bot lwak jo Icrael ducu ni, “Lobo ma yam wawoto wabaro iye, waroto, wanono ni lobone ber makato ducu.

Ento ada, macalo atye kwo-ni, dok macalo deyo pa Rwot bipono lobo ducu-ni, akwoŋo ni, i kom jo ma guneno deyona ki lwak lanyut ma yam atiyo i Ejipt ki i tim, ento ma gubedo ka omo iya ma doŋ odoko tyen apar kulu, ma pe guwinyo doga bene, pe tye ŋat mo i kingi ma bineno lobo ma yam akwoŋo pire bot kwarogi ni abimiyogini; pe tye ŋat mo i kin jo ma gicaya ma bineno.