Popular Bible Verses from Mika 4

Share

Pien rok ducu giwoto kun ŋat acel acel woto nyiŋ lubaŋane, ento wan wabiworo Rwot Lubaŋawa nakanaka. Koko jo Icrael ki i opii

dok lwak lurok mapol gibibino, gibiwacci, “Wubin, waitui wi got pa Rwot, i ot pa Lubaŋa pa Yakobo; wek en opwonywa kit mere, ka wek walub yone.” Pien cik bia ki i Cion, lok pa Rwot bia ki i Jerucalem

Man bitimme i kare ma pud tye anyim: got me ot pa Rwot bicuŋ macalo got mabor makato godi ducu, borre bikato cere ducu; rok ducu gibimol gicito iye

En biŋolo kop i kin rok mapol, dok biŋolo kop pa lwak rok matego ma gitye ka mabor; gibiteto pala lucwangi doko lak kweri dyaŋ, ki toŋigi doko pala me ŋolo jaŋ olok; rok mo pe bitiŋo pala lucwan i kom rok wadigi, pe doŋ gibimedde ki pwonyo lweny