Popular Bible Verses from Matayo 16

Share

Yecu otito bot lupwonnyene ni, “Ka ce dano mo mito lubo kora, myero okwoŋ kwerre kekene, ka ocak tiŋo yatariyane, olub kwede kora.

Doŋ awacci ni in i Petero, ma te lokke Pata, ci abimiyo lwak jo muye an gicuŋ i kom pata man, teko me to pe bitwero loyone.

Abimii layab me ker me polo, doŋ gin ducu ma in itweyo i wi lobo man gibitweyo bene wa i polo, dok gin ducu ma igonyo i wi lobo man gibigonyo bene wa i polo.”

Pien dano ma mito laro kwone birwenyone arwenya, ento dano mo ma rwenyo kwone pira aye binoŋone.

Konyo dano ma olimo lobo ducu ki gin aŋo mono, ka ce kwone gikwanyo woko? Dano dok bimiyo kit gin aŋo ma ka kwone?

Ka dok openyogi ni, “Wun kono wuwacci an aŋa?” Cimon Petero ogamo ni, “In i Kricito ma Lubaŋa oyero, Wod pa Lubaŋa makwo.”

Ci Yecu odokke iye ni, “Itye ki gum, Cimon wod pa Yona! Pien gin mo ma tye i kom ki remo pe onyutti lok man, ento Wora ma tye i polo aye.