Popular Bible Verses from Matayo 12

Share

Atittiwu ni, lok ducu me carocaro ma dano giwaco ma pe gigwokke iye-ni, gibipidogi pire i nino me ŋolo kop; pien lok pa iloko aye bimiyo iloyo kop, ki dok bene lok ma iloko aye bimiyo giŋolo kop loyi.”

Wun litino ororo, wutwero loko lok maber niŋniŋ, ma kun wun jo maraco? Pien lok ma ogurre i cwiny dano, en aye dog bene loko.

Dano maber kwanyo gin maber ki i kin jamine mabeco ma en okano, dano marac kwanyo gin marac ki i gin maraco ma en okano.

Pi meno awacciwu ni, bal ducu ma dano timo, ki lok ducu ma giyeto kwede Lubaŋa, gibiwekone woko, ento bal me yet ma giyeto ki Cwiny Maleŋ pe gibiwekone matwal.

“Myero wuŋe ni yat maber nyak nyige mabeco, ki yat marac nyak nyige maraco; pien yat giŋeyo i kom nyige.