Popular Bible Verses from Matayo 10

Share

“Nen, doŋ acwalowu me cito woko macalo romi i kin orudi; pi meno wubed ryek calo twol dok wubed laboŋo bal mo i komwu calo akuri.

Dano ma noŋo kwone, birwenyo kwone woko arwenya; ento ma rwenyo kwone pira binoŋo.

Pe wulwor jo ma neko kom, ento pe gitwero neko tipo; ento myero wulwor ŋat ma twero neko tipo ki kom ducu i Geena.

Dok bene dano ma pe tiŋo yatariyane kun lubo kwede kora pe myero me bedo danona.

Pi meno dano ducu ma bituco nyiŋa i nyim dano, an bene abituco nyiŋe i nyim Wora ma tye i polo, ento ŋat ma bikwera i nyim dano, an bene abikwere woko i nyim Wora ma tye i polo.

Wucaŋ lutwo, wucer jo muto, wucaŋ ludobo wek gulonnye, wuryem cen maraco. Wun wugamo nono laboŋo cul mo, wumi bene nono laboŋo cul.

Pi meno, pe wulwor; pien piwu tek twatwal makato pi ojwinyojwiny mapol.

“Pe wutam ni abino me kelo kuc i lobo; an pe abino me kelo kuc, ento pala lucwan.