Popular Bible Verses from Lulevi 26

Share

Abibedo ka wot i kinwu, abibedo Lubaŋawu, wun bene wubibedo jona

an abimiyowu kot ma cwer i karene, lobo biceko cam, yadi ma i poto binyako nyiggi.

“Ka wubilubo cikka kun wugwoko gin ma aciko ducu, wucobo kakare

Abimiyo kuc bedoi lobo, wubibuto piny, dano ma miyowu lworo bibedo pe. Abikwanyo ŋuu woko ki i lobo, pala lucwan pe biwok ki i lobowu

Abiparo piwu, abimiyo wunywal, wunya, dok abimoko gicikkena kwedwu.

An a Rwot Lubaŋawu ma yam akwanyowu ki i lobo Ejipt wek pe wubed opiigi; aturo rii okol ma giriyo i ŋutwu, amiyowu wutirre, wuwot atir.

Abiyubo kabedona i kinwu, tipo koma pe bikwerowu

“Pe wutim piwu kenwu cal lubaŋa mo, pe wucib cal apaya nyo wir jok mo, pe wucib got mo ma gigoro cal i kome ocuŋ i lobowu pi ryebbe i nyime, pien an a Rwot Lubaŋawu.

Wubicamo cam macon i derowu pi kare malac, wubionyo maconne woko wek kabedo odoŋ pi manyenne.

Jo abic ki i komwu gibiryemo jo miya kulu, jo miya ki i komwu biryemo jo alip apar; lumerokwu gibito i nyimwu ki’ palawu.

Kare me dino kalwu bidikke olo wa i kare me pwono otok, pwono olok bene bidikke nio wa i kare me coyo kodi. Wubicamo cam ma romowu, doŋ, ci wubibedo i lobowu ma piny okwe mot.

Wubiryemo lumerok mewu, gibito i nyimwu ki palawu.

Wubigwoko cabitta dok wubiworo ot mera maleŋ; an a Rwot.