Popular Bible Verses from Yocwa 10

Share

Ci ceŋ ocuŋ mot atir, ki dwe bene obedo mot, nio ka jo Icrael guculo kwor i kom lumerokgi. Lok man gicoyo i buk pa Jacar. Ceŋ ocuŋ mot i dye polo, pe orune me poto woko oyot ma cok romo nino acel kulu.

I nino ma Rwot omiyo iye jo Amor i ciŋ jo Icrael, Yocwa oloko bot Rwot i nyim jo Icrael kun wacci, “In cen, cuŋ mot i wi Gibeon, ki in dwe, cuŋ i nota me Aijalon.”

Nino mo yam peya obedo kit man nia wa i kare macon o kwede wa i kare man, ma Rwot owinyo iye dog dano; pien onoŋo Rwot aye obedo ka lweny pi Icrael.

Ci Rwot owaco bot Yocwa ni, “Pe ilwor, pien atyeko miyogi i ciŋi. Pe tye dano mo ma bicuŋ i nyimi.”

Yocwa dok owaco botgi ni, “Pe wulwor, pe cwinywu opoti; wubed oteka ma cwinywu nwaŋ, pien Rwot bitimo lumerokwu ducu ma wubilwenyo kwedgi kit meno.”