Popular Bible Verses from Yocwa 1

Share

An doŋ atyeko ciki ba. Bed oteka ma cwinyi nwaŋ; pe komi omyel, pe cwinyi oryaŋŋe, pien Rwot Lubaŋani tye kwedi ka ma iwoto iye ducu.”

Buk man me cik pe bia ki i dogi, ento ibibedo ka Iwodone i cwinyi dyeceŋ ki dyewor, wek igwokke ka lubo gin ducu ma gicoyo iye-ni, Kit meno bimiyo nyimi bedo maleŋ, ka dok ticci ducu bicobbe kakare.

Ento bed oteka ma lacwinye nwaŋ, bed ma igwokke ka lubo cik ma yam laticca Moses ociki kwede i gin ma itiyo ducu; pe iŋak idok yo tuŋ acuc nyo yo tuŋ acam, wek ibed ki gum maber i kabedo ducu ma ibicito iye.

Pe tye dano mo ma bicuŋ i nyimi i kare me kwoni ducu. Kit ma yam abedo ki Moses, abibedo kwedi kit meno; pe abibwoti, pe abitenyi ata.

Bed oteka ma cwinyi nwaŋ, pien ibimiyo rok man leyo lobo ma yam akwoŋo pire bot kwarowu ni abimiyo botgi.

Kabedo ducu ma tyenwu binyono abimiyo botwu, kit ma yam aciko ki Moses.

“Laticca Moses doŋ oto woko; pienno in aye doŋ ia malo, iciŋol loka Jordan man, in ki lwak jo-ni ducu, wucit wa i lobo ma abemiyo botgi-ni, ma abimiyo bot gin jo Icrael.

Ka Moses latic pa Rwot doŋ oto woko, Rwot owaco bot Yocwa wod pa Nun ma lakony pa Moses ni

Cakke wa i tim ki i Lebanon kany o kwede wa i kulu madit, en aye kulu Euprate, lobo ducu pa jo Kit nio wa i Nam Madit ma yo tuŋ potoceŋ, ducu bibedo lobowu

Dano mo ka okwero lokki ce ojemo i kom cikki ki gin ducu ma iciko, gibineke woko. In aye ibed oteka ma cwinyi nwaŋ.”

“Wuwot i dye gony ka ciko lwak ni, ‘Wuyub camwu; pien odoŋ nino adek ci wucito ka ŋolo loka kulu Jordan, wucito iye ka camo lobo ma Rwot Lubaŋawu omiyo botwu me bedo mewu.’ ”