Popular Bible Verses from Luŋolkop 16

Share

Ka dako owaco ni, “Samson, Lupiliciti gubino i komi!” ci oco woko ki i waŋ nino kun tamo ni, “Abikato woko i kit macon ca, ateŋogi woko ki i koma.” Onoŋo pe ŋeyo ni Rwot otyek o a woko ki i kome

Ka doŋ Samson okok bot Rwot kun waco ni. “Ai Rwot Lubaŋa, po pira, alegi ba do, ci imiya tekkom doki tyen man acel-li. Ai Lubaŋa alegi iwek acul kwor i kom jo Piliciti pi waŋa aryo-ni lawaŋacel.”

Ci otito bot dakone gin ducu ma tye i cwinye, kun wacce ni, “Lyedi peya ogudo wiya, pien abedo ajula pa Rwot cakke ki i kare ma ginywala iye. Ka ce gilyelo yer wiya, ci tek koma biweka woko, abidoko goro, abedo macalo dano mukene ducu.”

Ka dako obedo ka dide matek ki lokke nino ki nino, kun lokke ki tek, omiyo cwinye obelle me to woko.

Ka doŋ Samson owacci, “Wek doŋ ato kacel ki jo Piliciti.” Ci okulle ki tekke ducu, omiyo ot opoto i kom rwodi ki i kom lwak ma gitye iye-ni. Kit meno, jo ma onekogi i kare me tone obedo pol makato jo ma yam onekogi ma pud en kwo.