Popular Bible Verses from Yakobo 3

Share

Ento ryeko mua ki malo, mukwoŋo bedo leŋ, dok bedo me kuc, me mwolo, gamo tam ducu mabeco, opoŋ ki kica, ki nyako nyig maber, ŋat ma tye kwede pe poko kin dano, bedo ma cwinye atir.

Aŋa i kinwu ma ryek dok niaŋ jami? En myero onyut tic me ryekone ki mwolo, pi kwone maber.

Jo ma kelo kuc gicoyo kodigi i kuc me nyako kit ma atir.

Pien ka ma nyeko ki laro dito tye iye, inoŋo anyobanyoba ki tim ducu maraco tye iye.

Leb en aye gin ma wapwoyo kwede Rwot Lubaŋa Wonwa, en leb acel-lu bene waceno kwede dano ma giketogi i cal pa Lubaŋa. Pwoc ki ceno dano a i dog acel-lu. Utmegina, pe myero obed kit meno.

Leb bene obedo calo mac. I kin dul komwa leb rom ki lobo ma gin ma en tiyo pe atir, ci balo komwa woko ducu, cwinyo mac i kwowa, i kit ma kwo wirre kwede ducu; mac me Geena moko i kome.

Ento pe tye dano mo ma twero loyo leb. Leb aye twon gin mo ma pe jukke, opoŋ ki kwir ma neko dano.

Utmegina, pe myero jo mapol i kinwu gudok lupwony, pien wuŋeyo ni wan lupwony gibiŋolo kop mapek i wiwa makato jo mukene.