Popular Bible Verses from Yakobo 1

Share

Utmegina, wubed ki yomcwiny madwoŋ ka gitemowu i yo mapatpat, pien wuŋeyo ni temo niyewu miyo wudiyo cwinywu.

Ka ce tye ŋat mo i kinwu ma ryekone nok, myero en oleg Lubaŋa ma miyo bot jo ducu ki yomcwiny, kun pe twono ŋat mo; ci bimiye.

Utmegina ma amaro, wuŋe lok man. Dano acel acel myero owiny lok oyotoyot, ento pe myero orune me gamone, dok bene myero odi kinigane.

Wek diyo cwiny ocob ticce kakare, wek wubed jo muteggi, ma roc mo pe i komwu, dok wubed ma gin mo bene pe orem botwu.

Ento wubed jo ma keto gin ma giloko i tic, pe wubed jo ma winyo awinya keken kun wubwolle kenwu.

Ŋat ma gitemo cwinye ka ocuŋ matek tye ki gum; pien ka doŋ giteme, ce en oloyo, ci binoŋo mot me lalukana me kwo ma Rwot ociko me miyo bot jo ma en maro.

Pien kit gin mo ducu maber, ki mot ducu mabeco twatwal ma gimiyowa, a ki malo, a ki bot Lubaŋa Won bino piny, ma en aye won gin ducu ma ryeny i polo, ma pe tye ki alokaloka mo, dok tipo mo ma nyuto lokkene bene pe.

Pien ka ce dano mo obedo lawiny lok keken ma pe tiyo, ci bedo calo ŋat ma ŋiyo waŋe ma ginywale kwede i kiyo. Ento ka doŋ otyeko ŋine kekene, cito woko, wiye wil woko oyotoyot i calle ma en obedo ka nenone twatwal-li.

Dini me ada maleŋ, ma cilo pe iye i nyim Lubaŋa Wonwa en ene: konyo litino kic ki mon ma coggi oto i kom can ma gitye kwede, ki gwokke ken i kom bal me lobo.

ka gibito ŋat mo, en pe myero owacci, “Lubaŋa aye ma bita”, pien Lubaŋa pe gibito ki tiyo gin marac, en bene pe bito ŋat mo. Dano acel acel gire mitine kene aye ma bite, ywaye, kun omo cwinye.

Lacan myero owakke ka gitiŋe malo