Popular Bible Verses from Icaya 6

Share

Cutcut awinyo dwan Rwot ma wacci, “Abioro aŋa mono? Aŋa ma bicito piwa?” Agamo ni, “An ene; ora.”

Onoŋo gitye ka wer ma ŋat acel acel gamo dog lawote ni, “Rwot me mony leŋ, leŋ dok leŋ; lobo ducu opoŋ ki deyone.”

Ka doŋ awacci, “Aneno can doŋ ba! Ato woko do! Pien an dano ma lok ma a i doga pe leŋ, dok bene abedo i kin rok ma lok ma giloko pe leŋ: ento aneno kabaka ki waŋa, ma en aye Rwot me mony.”

I mwaka ma kabaka Ujia oto iye, aneno Rwot mubedo i wi komkerre, kun onyedde malo, madit twatwal, ma dog boŋone opoŋo i ot pa Lubaŋa woko liweŋ

Ogudo ki doga kun wacci. “Nen, gin man ogudo del dogi; gin maracci doŋ gikwanyo, ki balli doŋ giweko.”

Lucerapi gucuŋ malo ka wiye, ma lacerapi acel acel bwome tye abicel; aryo me umo wangi, aryo me umo tyengi, ki aryo mukene me tukgi malo.

Cutcut ŋat acel i kin lucerapi otuk obino bota, kun omako lodi mac i ciŋe, ma en okwanyo ki i keno tyer, kun okaro ki lakar mac.

Ka doŋ en owacca ni, “Cit iwac ki rok man ni, ‘Winyone mere wubiwinyo, ento pe wubinian te lokke; nenone wubineno, ento pe wubineyo gin ma tye.’

Mi rok man cwinygi odok nwaŋ, mi itgi bene odiŋ woko, wek pe gunen ki waŋgi, pe bene guwiny ki itgi, pe bene guniaŋ iye ki cwinygi, wek omi pe gulokke gudwog bota acaŋgi.”