Popular Bible Verses from Icaya 35

Share

Jo ma Rwot okokogi bidwogo cen i Cion, gibibino ma noŋo giwero wer licur. Yomcwiny ma ri nakanaka pe birwenyo ki i wigi, gibibedo maber ki yomcwiny madwoŋ, cwercwiny ki cur ma yam gubedo kwede doŋ bia woko ki i cwinygi.

Wujiŋ; ciŋ jo ma badgi okwe, wumi jo ma coŋgi goro odok matek. Wuwac bot jo ma tye ki lworo i cwinygi ni, “Pe wubed lwor, wubed tek! Nen, Lubaŋawa bikokowu, en biculo kwor i kom lukworwu. En bibino ci larowu.”

Yo gudo madit bibedo kunnu, yo ma gibicako nyiŋe ni, “Yo Maleŋ.” Jo ma gin lubalo pe gibilubo yo meno, jo mamiŋ pe bimiyo jo ma lubo yo meno rwenyo.

I kare meno lutowaŋ waŋgi biyabbe, jo ma itgi odiŋ bene itgi biyabbe.

I kare meno luŋolo bipye malo calo til, ki jo ma te lebgi oto gibicako wero wer ki yomcwiny. Pien pii bimwoco piny woko i dye tim, ki kulu bene piine bibedo ka mol i lobo mutwo