Popular Bible Verses from Icaya 30

Share

Ka ce onoŋo wuŋak woko, ci wubiwinyo lok ma a ki yo tuŋ ŋewu, kun waco ni, “Yo ene, wulubi,” ka wulokke yo tuŋ lacuc nyo yo tuŋ lacam.

Kadi bed kumeno, ento Rwot tye ka kuro me nyuto berre botwu; meno omiyo en oyubbe pi timowu kica. Pien Rwot aye Lubaŋa ma ŋolo kop atir, jo ducu ma gibedo kun gikure gitye ki gum.

Man aye lok ma Rwot Lubaŋa owaco, ma en ŋat Maleŋ me Icrael, “Wudwog cen, wubed mot, wek wularre; ka wubedo mot ki gen, wubinoŋo teko.” Ento ceŋ wukwero woko

Kadi bed Rwot omi wucam kwon me aroma, ki dokomi wumat pii me can, ento Lapwonywu pe dok bikanne, wubibedo ka neno Lapwonywu ki waŋwu

Adada, wun jo Ci on ma wubedo i Jerucalem pe doŋ wubikok matwal. Rwot bitimowu kica ka ce owinyo kokowu; ka owinyo ci en bigamo dogwu.

“Litino ma lujemo gibineno can,” Rwot ma owaco, “jo ma tiyo ki tamgi, ma pe mera; dok ma giribbe ki rok ma cwinya dagi, me medo bal i kom bal