Popular Bible Verses from Icaya 11

Share

Cwiny pa Rwot bibedo i-kome, cwiny me ryeko ki me niaŋ, cwiny me poro lok ki me tek, cwiny me ŋec ki me lworo Rwot. Cwinye bibedo yom i lworo Rwot. En pe biŋolo kop pi gin ma en neno anena ki waŋe, nyo kadi ki ŋolo kop pi lok ma en winyo awinya ki ite

Yat manyen bilot kun tuc ki i kom ajut pa Yece, jaŋe bituc ki i lwite ci doŋo.

ento en biŋolo kop pa lucan atir, dok biŋolo kop atir pi jo mamwol me lobo. En bigoyo lobo ki odoo me doge, bineko jo maraco woko ki alur me yweyo me doge

Del me tweyo pyere aye bibedo kit ma atir, ki kite ma genne-ni aye bibedo del me tweyo iye.

Tim mo marac me nek nyo me keto ret i kom dano, pe binen i wi gotta maleŋ, pien lobo ducu bipoŋ ki ŋec pa Rwot, macalo pii ma poŋ i nam

Orudi bibedo kacel ki latin romo, kwac ki latin dyel bene gi bi buto piny kacel, roya ki labwor gibidoŋo kacel, latin matidi aye ma bitelogi.

I nino meno lakwar Yece bicuŋ calo bendera ma rok mapol twero nenone; lurok ducu gibipenyo tam ki bote, ka ma en bedo iye bibedo kabedo me deyo.