Popular Bible Verses from Icaya 1

Share

“Wubin koŋ kombeddi, wek walar lok kacel, Rwot ma owaco; kadi bed doŋ balwu kwar ma rom mene, bidoko matar calo pee; kadi bed kwar calo pala, bidoko calo yer romo matar.

Ka ce wuye lok, ma wutye ki winy, ci wubicamo gin mabeco ma ocek i lobo.

wupwonnye me timo gin maber. Wulub ŋolo kop atir, wukony jo ma giunogi; wular litino ma wongi pe, dok wupid pi mon ma coggi oto.

Ento ka wukwero kun wujemo woko, pala lucwan bityekowu woko; pien man Rwot kikome aye ma owaco.”

Koŋ wulwokke woko, wubed maleŋ, wubol timwu maraco woko cen ka mabor wek pe dok obed ka nen i nyima; wuwek doŋ timo gin marac

Ka wutaŋo ciŋwu, abiumo waŋa woko pe anenowu: kadi bed wulega tyen mapol ata, pe abiwinyo legawu wacel; pien ciŋwu obedo remo keken.

Pe wumedde ki kela gitum ma konnye pe bota, yito odok eceta ma ŋwece kur odoko gin me kwer mada ki tuŋ bota. Por dwe, cabit, ki lwoŋo dano i cokke, pe atwero ciro balwu i cokkewu madito me wora.

Twon ŋeyo rwode, kana ŋeyo ka ma rwode miye iye cam’ ento Icrael pe ŋeyo, lwakka pe giniaŋ.”

Por dwe mewu ki ninowu madito ma yam giciko pigi, gin ducu cwinya dagi; gudoko ter mapek twatwal bota, aol woko doŋ ki tinogi.