Popular Bible Verses from Ejekiel 37

Share

Rwot dok owacca ni, “Tit lok bot cogo magi, kun iwaco botgi ni, Wun cogo mutwo, wuwiny lok pa Rwot. Wac botgi ni an, Rwot Lubaŋa, abewaco botgi kuman ni, ‘Abeketo yweyo me kwo i iwu ci amiyo doki wubedo kwo.

Dok bene abiketo ler i komwu, ci amiyo riŋo bino i komwu, ci amiyo del kom umo komwu woko. Abiketo yweyo me kwo i iwu, ci wubibedo kwo doki. Man bimiyo wuŋeyo ni an aye a Rwot.’ ”

Ci Rwot owacca ni, “Wod pa dano, cogo magi doki gitwero bedo kwo?” An adok iye ni, “Ai Rwot Lubaŋa, in giri aye iŋeyo.”

Rwot onoŋo odiya matek ki ciŋe, ci okela woko ki Cwiny mere, ci ociba piny i dye nota ma opoŋ ki cogo keken. Otela awoto arumo nota woko aduno i kin cogo; ci aneno lwak cogo mapol ata tye kunnu, dok onoŋo doŋ gutwo woko adada.

Kit meno atito lok kit macalo onoŋo giwacca ni atiti. I kare ma atye ka tito lok, awinyo woo, ci cogo gucokke guribbe woko kacel, ŋat man omoko i kom lawote. I kare meno abedo ka nenogi, ci aneno ler komgi, ki riŋo komgi bene doŋ obino i komgi, ka del-komgi doŋ oumogi woko. Ento yweyo onoŋo pe i igi.