Popular Bible Verses from Latitlok 5

Share

Myero koŋ ikwoŋ tamo pi gin ma imito loko ma peya iloko gin mo, pe myero ilok lok oyotoyot i nyim Lubaŋa; myero ilok manok mo keken i nyime, pien en tye wi polo, ki in it ye i lobo.

Dano acel acel ma Lubaŋa omiye lonyo, kacel ki jami madwoŋ wa ki twero me yomo cwinye ki jami magi, mito ogam dul ma gipoko ni obed mere, wek onoŋ yomcwiny i kom ticce, pien man aye mot ma Lubaŋa omiyo.

Ŋat ma maro lim, lim pe twero romone wacel; ki ŋat ma maro lonyo bene kadi bed noŋ magoba madwoŋ, pud dok wacci peya oromme. Man bene gin ma konnye pe.

Myero igwok kiti ka icito ka donyo i ot pa Lubaŋa; pien nyiko cok ka winyo lok pa Lubaŋa ber kato gitum ma lumiŋ gimiyo bote, pien gin pe giŋeyo ni gitye ka timo bal.

Pi meno ka ikwoŋo bot Lubaŋa pe igalle, dok myero igwok kwoŋŋi; pien Lubaŋa cwinye pe yom i kom lumiŋ. Myero icob gin ma in doŋ ikwoŋo

Onoŋo bedo ber ka in pe ikwoŋo kwoŋ mo, kato ma ikwoŋo kun pe icobo gin ma ikwoŋo

Ŋat ma latic matek nino mot liywi, kadi bed camo cam man ok nyo madwoŋ ento ŋat mulony mukato kare pe nino pien bedo ka paro lonyone.

Pi meno kit macalo dano yam minne onywale i lobo man ma tye munero, en bene biweko lobo-ni dok ki ciŋe noŋo laboŋo gin mo, pe bikwanyo jami mo mua i kom ticce kadi ki acel ma bimako i cine kun cito kwede.