Popular Bible Verses from Nwoyo Cik 8

Share

Wun wubipo i kom Rwot Lubaŋawu, pien en aye ma miyowu tek me limo lonyo; wek en omok gicikkene ma yam okwoŋo pire bot kwarowu, macalo pud tye wa kombeddi.

Kit meno en omiyo wudoko mamwol, dok omiyo kec onekowu, ci opitowu ki manna ma onoŋo yam pe wuŋeyo, kadi wa kwarowu bene yam pe guŋeyo; wek oniaŋwu ni, dano pe kwo ki kwon keken, ento dano kwo ki lok ducu ma a ki i dog Rwot.

Dok myero wupo kom yo ducu ma yam Rwot Lubaŋawu otelowu iye i tim pi mwaka pyeraŋwen, wek emi wudok mamwol, kun temo iwu wek eŋe gin ma tye i cwinywu, ka nyo wubimako cikke, nyo pe.

Wugwokke wuwek Lwodo lok ki i cwinywu ni, “Tek koma ki twero me bada gira aye omiyo alimo lonyo man.’

“Wugwokke kekenwu wek pe wiwu owil woko i kom Rwot Lubaŋawu, kun pe doŋ wugwoko lok ma en ociko; ki gin ma oŋolo, ki lwak cikke ducu ma atye ka cikowu kwede tin

Doŋ myero wuŋe ki i cwinywu ni, Rwot Lubaŋawu tye ka tiro kitwu macalo dano tiro kwede kit latinne.

Wubicam wubiyen, ci wubipwoyo Rwot Lubaŋawu pi lobo maber ma omiyowu-ni.

Pi meno, wugwok cik ducu pa Rwot Lubaŋawu, kun wuwoto ma wulubo yone dok kun wulwore.

En bene opitowu i tim ki manna ma yam kwarowu pe giŋeyo, wek elokwu wudok mwol, kun temo ki cwinywu, wek otimwu ber lacen.

wek wiwu pe ocak doko dito ka doŋ wucamo, wuyeŋ, ma doŋ wugero odi mabeco ma wubedo iye, dok ka dyaŋiwu ki romiwu doŋ onya mapol, ki ryalwu ki jabuwu omedde madwoŋ, ki jami ducu ma wutye kwedgi doŋ onya omedde madwoŋ, Pe wiwu owil woko i kom Rwot Lubaŋawu, ma yam okwanyowu woko ki i lobo Ejipt, ki i ot me opii ca

Pien Rwot Lubaŋawu tye ka terowu i lobo maber, ma opoŋ ki lwak nota ora ma igi ki pii, ki waŋ it ki waŋ pii maloŋo, ma gimol ki i nota ki i wi godi. En lobo ma ceko ŋano ki cayiri, ki ma ceko olok ki oduro ki okwer pomegranat, lobo ma moo jeituni ki moo kic dwoŋ iye. En lobo ma wubicamo iye cam mabup laboŋo can gin mo, ka ma gin mo pe birem iye botwu; en lobo ma gweŋŋe bedo nyonyo, ka ma wubikwinyo iye mola ki i cere.

“Cik ducu ma atye ka cikowu kwede tin-ni ber, wunen ni wulubo gi, wek wubed makwo, wunya mapol, wucit wucam lobo ca ma yam Rwot okwoŋo pire ni ebimiyo bot kwarowu.

Boŋŋi arukawu yam pe guti gutum woko ki i komwu, tyenwu bene yam pe okwot, i kin mwaka pyeraŋwen kulu.

ma yam otelo wiwu wuwok kwede i tim malac ki malik bene, ma tye iye lwak twol ma kwirgi kec, ki oton, ki lobo ma orwo pii mako iye dano, ma pii pe iye-ni, ci en okelowu pii mua ki i pata got.