Popular Bible Verses from Nwoyo Cik 6

Share

Mar Rwot Lubaŋani ki cwinyi ducu, ki tiponi ducu ki tekki ducu.

dok wubipwonyo litinowu kwedgi matek. Wulok lok i komgi ma wubedo i odiwu, ki ka wutye ka wot i yo, ka wubuto piny ki ka wua malo.

Lok magi ducu ma acikowu kwede tin-ni wubiketo i cwinywu

“Wuwiny, wun jo Icrael: Rwot Lubaŋawa en Rwot acel.

Wutwe i ŋut ciŋwu obed lanyut; wutwe bene i dye tur nyimwu.

Dok wubicoyo i kom okar doggola me odiwu, ki i dog gaŋwu.

Wulwor Rwot Lubaŋawu, wuti pi en, wukwoŋ kwoŋwu ki nyiŋe

“I kare ma Rwot Lubaŋawu doŋ otyeko kelowu i lobo ma yam okwoŋo pire bot kwarowu Abraim ki Icaka ki Yakobo, ni ebimiyowu, ma tye iye gaŋi madito ma gibeco, ma yam pe wun aye wugerogi, ki odi ma gupoŋ ki jami ducu ma gibeco ma yam pe wun aye wupoŋo igi, ki bur pii ma gikwinyogi ma pe wun aye wukwinyo, ki poto olok ki poto jeituni ma pe wun aye wupito; ka doŋ wucamo wuyeŋ, ci ber wugwokke wek wiwu pe owil woko i kom Rwot ma yam okwanyowu woko ki i lobo Ejipt, i ot me opii.

“Man aye lok ma giciko, ki lwak cik ki gin ma Rwot oŋolo ma Rwot Lubaŋawu ocika ni apwonywu kwede, wek wulubgi i lobo ma wubicito loka ca ka camone, wek wulwor Rwot Lubaŋawu, wun kikomwu ki likwayowu, kun wugwoko cikke ducu ki lok ducu ma en ociko ma atye ka cikowu kwede, nino ducu me kwo mewu, wek wuri i wi lobo pi kare malac.

Dok wubitiyo gin ma nen atir dok maber i waŋ Rwot, wek nyimwu obed leŋ, wek wucit wucam lobo maberri ma yam Rwot okwoŋo pire ni ebimiyo bot kwarowu

pien Rwot Lubaŋawu ma tye i kinwu-ni en Lubaŋa ma lanyeko; wek kiniga pe omak Rwot Lubaŋawu i komwu, miyo en bityekowu woko liweŋ ki i wi lobo.

Pe wulub kor lubaŋa mukene ducu, macalo lwak lubaŋa pa rok mapatpat ma birumowu dyere

“Pe wuom i Rwot Lubaŋawu, macalo yam wuomo kwede iye i Maca.