Popular Bible Verses from Nwoyo Cik 4

Share

Ento ki kunnu en aye wubicako yenyo Rwot Lubaŋawu ci wubinoŋe, ka wuyenyo kore ki cwinywu ducu ki tipowu ducu.

Pien Rwot Lubaŋawu en Lubaŋa ma lakica: pe bitenyowu ata, pe bityekowu woko, wiye pe biwil i kom gicikke ma yam oketo ki kwarowu, ma yam okwoŋo pire botgi.

Pien Rwot Lubaŋawu en mac ma waŋo piny woko, en Lubaŋa ma lanyeko.

“Ento myero wunen maber ni wugwokke kenwu ki cwinywu ducu, wiwu pe owil i kom gin ma wuneno ki waŋwu, wek pire pe oa woko ki i cwinywu i kare me kwowu ducu. Wutit bot litinowu ki likwayowu wek guŋe

Myero doŋ wuŋe tin, dok wuket i cwinywu, ni Rwot aye Lubaŋa ma tye malo i polo ki piny i wi lobo; pe tye mo mukene.

Pien pe tye rok mukene madit ma lubaŋagi bedo cok kwedgi macalo Rwot Lubaŋawa bedo cok kwedwa i kare ducu ma wakok bote.

Ka piny oloyowu, ma doŋ gin meno ducu opoto i komwu i kare me lacen, wubilokke wudwogo cen bot Rwot Lubaŋawu, ci wubiworo doge.

Pe wumed lok mo i kom cik ma acikowu kwede-ni, pe wukwany lok mo woko ki i kome, wek wugwok cik pa Rwot Lubaŋawu ma acikowu kwede ducu.