Popular Bible Verses from Nwoyo Cik 28

Share

“Ka wubiworo dog Rwot Lubaŋawu, ma wugwokke ka lubo cikke ducu ma acikowu kwede tin-ni, ci Rwot Lubaŋawu bipilo wiwu makato rok ducu ma wi lobo-ni

ci miyo gum man ducu bipoto i komwu ci moko i komwu ka ce wuworo dog Rwot Lubaŋawu.

Rwot bimiyo wubedo jo ma telo nyim, pe jo ma coko ter; wubibedo ka cito anyim ma pe doŋ wudok cen, tekke wubedo ka lubo cik pa Rwot Lubaŋawu ma acikowu kwede tin-ni kun wugwokke ka cobogi maber

Rwot biyabo polo piwu, ma en ot kano limme maber, ci miyo kot cwer i lobowu i karene, ci miyo gum i kom tic ducu ma wutiyo. Jo me rok mapol gibimako banya botwu ento wun pe wubimako banya mo.”

“Rwot biloyo lumerokwu ducu ma bibino ka lweny i komwu, miyo wubinekogi woko ki i nyimwu. Gibimol ka lweny i komwu ki i yo acel, giriŋo giket woko i yo abiro.

“Rwot Lubaŋawu biciko gum poto i kom derowu ducu, ki i kom gin ducu ma wubitiyo; bimiyowu gum i lobo ma en bimiyo botwu-ni.

Gum bipoto i komwu ka wudonyo i ot, ci gum bipoto i komwu ka wukato woko.

Wubibedo ki gum i gaŋiwu dok wubibedo ki gum ipottiwu.

Gum bibedo i kom litino ma wubinywalogi, ki i kom cam ma bicek i pottiwu; i kom litino dyaŋiwu ki i kom litino romiwu ki dyegiwu.

“Rwot bimokowu me bedo lwakke maleŋ kit ma yam okwoŋo kwede botwu’, ka ce wumako cik pa Rwot Lubaŋawu, kun wulubo yone ducu.

Gum bibedo i kom adukuwu ma wuyeyo ki cam i kare me kac, gum bibedo i kom otakowu me myeno kwon.

Rwot bimiyo wulony ki lwak jami mapol; bimiyo wunywalo litino mapol bimiyo limwu makwo nya madwoŋ ma pottiwu bene ceko cam mabup.

“Jo ma i wi lobo ducu gibineno ka gilwoŋowu ki nyiŋ Rwot, ci gibilworowu.

ma pe wulokke wukwero lubo lok ducu ma acikowu kwede tin ci wuŋak wudok yo tuŋ acuc nyo tuŋ acam pi lubo kor lubaŋa mukene ki pi worogi.

“Ka ce pe wuworo dog Rwot Lubaŋawu nyo pe wugwokke ka lubo lok ma en ociko ducu ki cikke ma acikowu kwede tin-ni, ci lwak cen magi ducu bipoto i komwu ci moko i komwu.