Popular Bible Verses from Daniel 2

Share

Daniel owacci, “Gipwo Lubaŋa ki nyiŋe nakanaka, pien ryeko ki tek tye bote. En aye ma loko cawa ki kare me cwir nyo me oro, en aye ma kwanyo luker woko ki i kergi ci keto luker manyen me leyo ka tyengi; en miyo ryeko bot jo maryek dok miyo ŋec bot jo ma twero niaŋ maber. En nyuto gin ma tye ka matut’ ki gin mukanne i muŋ en nyuto woko ka maleŋ; dok ŋeyo gin ma tye i colpiny, ki leŋo bene bedo bote.

Daniel odok iye ki kabaka ni, “Pe tye luryeko mo, lukor tipo, nyo lutyet kadi ki wa jo ma niyo lok kom lakalatwe ma gitwero nyuto kit muŋ mukanne macalo man bot kabaka ma onoŋo kabaka openyo pire-ni. Ento tye Lubaŋa mo i polo ma nyuto kit muŋ ducu mukanne, en aye mumiyo kabaka oneyo lok ducu ma bitimme i kare ma pud tye anyim. Doŋ lek ma ileko-ni ki ginanyuta ma obino i wii i kare ma ibuto piny i wi ki tanda gin ene

Dok i kare pa luker meno Lubaŋa me polo biketo ker mukene ma ri nakanaka ma pe gitwero balone, kadi dit me locce bene pe gibiweko i ciŋ rok mukene. Ker meno manyen-ni bituro ker magi ducu ŋidogi woko matitino, ci tyekogi woko ducu, en aye doŋ bicuŋ bedo matwal