Popular Bible Verses from 2 Luker 4

Share

Elica owacce ni, “Abitimmi kit gin aŋo? Titta; gin aŋo ma it ye kwede i odi?” En ogamo ni, “Pe atye ki gin mo i ot, ladit, kono nyo ablrtomoo aye tye.”

I kare meno dako mo acel ma i kin mon pa lunebi ocito okok bot Elica ni, “Cwara ma laticci oto woko; in bene iŋeyo ni laticci yam lworo Rwot, ento won banya obino ka mako litino awobena aryo wek gubed opiine.”

Dok owacce ni, “Cit woko ka lego agulu pa luwoti ducu, ikel ma igi noŋo, kel mapolpol.

Ka idony i ot, ci ilor doggola iceg wii ki wi litino awobeni woko i ot, ka iony moo i lwak agulu meno ducu; ka ce acel acel opoŋ, ci iket ocuŋ cen.”

Ka agulu ducu opoŋ woko, ci owaco bot wode ni, “Kella agulu mukene.” Ogamo ni, “Mukene doŋ peke.” Moo ocako gik woko ma pe dok mol.

En obino otito bot dano pa Lubaŋa, en ogamo ni, “Cit icicat moo wek icul banyani woko, ci wek in ki litino awobeni wukonnye ki mudoŋŋe.”

Dako-nu ocito ci oloro doggola, ocego wiye ki wi litino awobene aryo; ka en tye ka onyo moo i igi ci gin gikelo agulu mukene bote.

Dok oa malo ocito obuto i kom latin, kun keto doge i dog latin, ki waŋe bene oketo i waŋ latin, ki bade bene opyelo i bad latin, kun ryene i kome, ci kom latin odoko lyet