Popular Bible Verses from 2 Luker 2

Share

Ka gutyeko ŋolo loka tuŋcel, Elia owaco bot Elica ni, “Leg gin ma abitimo piri, ma peya gikwanya woko ki boti.” Elica owacci, “Alegi, imiya ale kit cwinyi-ni adod tyen aryo.”

Ka onoŋo pud giwoto kun giloko, ci nen, gadigadi me mac ki aguragura opoko kingi gin aryo-ni woko, Elia ocako ci to woko malo i polo ki lapiru madit-ti

Elia ogamo ni, “Ilego gin matek; ento ka ce ibedo ka neno an i kare ma gitiŋa nia ki boti-ni, ci bibedo boti kit meno; ento ka ce pe inena, ci pe bibedo kit meno,”

Okwanyo boŋo pa Elia ma opoto ki i kome-ni, ocako goyo ki pii, kun wacci, “Rwot Lubaŋa pa Elia tye kwene?” Ka otyeko goyo pii, ci pii iye opokke yo tuŋŋi ki tuŋŋi; Elica owoto i dyere, oŋolo loka kulu.

Elica oneno ci okok ni, “Wora, wora do! gadigadi pa Icrael ki wegi aguragurane!” Pe dok omedo ki neno kome. En omako boŋone kikome oyeco woko i dul aryo.

Elia okwanyo boŋone kikome, odolo woko, ogoyo ki pii, ci pii iye opokke woko aryo tuŋŋi ki tuŋŋi nio ka gin aryo ducu gukato ki i nom mutwo

I kare ma Rwot doŋ mito tero Elia woko i polo ki lapiru, onoŋo Elia ki Elica gitye i wotgi nia ki i Gilgal.