Popular Bible Verses from 2 Jo Korint 12

Share

Cutcut en ogamo ni, “Kicana tye ma rommi, pien tekona bedo tek twatwal ka ma goro tye iye.” En meno gin mumiyo anyatte ki yomcwiny madit twatwal pi gorona, wek tek pa Kricito obed i koma.

Pi Kricito omiyo cwinya yom pi goro mapatpat ma atye kwede, ki pi yet, ki pi can, ki pi peko mogo ma giuna kwede, ki peko ma diya matek; pien ka ma agoro iye, kenyo en aye ka ma atek iye.

Kadi bed onoŋo nen calo amito nyatte, pe abibedo lamiŋ pien noŋo aloko lok ada. Ento pe abinyatte, wek dano mo pe obed ki par i koma makato gin ma en oneno i koma, nyo lok ma en owinyo awinya ki bota. Me gwoka wek pe alyerre kena ma okato kare pi lwak jami mapol ma yam Lubaŋa onyuto bota, yam girwako okuto i koma, ma onoŋo en pud lwakena pa Catan wek oket can i koma, wek pe akette malo kekena ma okato kare.