Popular Bible Verses from 2 Tekwaro 20

Share

En owaco ni, “Wuwiny, wun jo Juda ki jo Jerucalem, ki in kabaka Yekocapat: Rwot owaco botwu kuman ni, ‘Pe wulwor, dok bene cwinywu pe opoti pi kom lwak man madwoŋ-ŋi; pien lweny man pe mewu ento pa Lubaŋa gire.

Lweny man pe wun aye wubilwenyo, wun wubed i kabedowu, wucuŋ iye mot, wek wunen kit ma Rwot bilarowu kwede tin, wun jo Juda ki Jerucalem.’ Pe wulwor, pe cwinywu opoti, diki wucit ka lweny i komgi, Rwot bibedo kwedwu.”

Ai Lubaŋawa in pe ibinologi kop? Pien wan pe watye ki tek me lweny i kom mony man madwoŋ ma gubino ka lweny i komwa-ni. Pe waneyo gin ma watiyo, ento waketo waŋwa i komi.”

Ka otyeko noŋo tam ki bot lwak, ocako yero jo ma myero gubed ka wer bot Rwot kun gipake ma guruko bone maleŋ kun gitelo kwede nyim mony, ma giwero kuman ni, “Wumi pwoc bot Rwot, pien mar mere ma pe lokke bedo nakanaka.”

Ka gucako wer ki pwoc, Rwot oketo mony ma gubuto pi kuro lweny ki jo Ammon, ki jo Moab, ki jo got Ceir, ma gubino i kom Juda-ni, ci giloyogi woko.

Lworo ocako mako Yekocapat, en kikome ocako yenyo kony ki bot Rwot cut, ka dok ociko pi ri kec oromo i lo bo Juda ducu

‘Ka gin mo marac opoto i komwa, macalo lweny nyo lok ma iŋolo i komwa, nyo two gemo, nyo kec, ci wan wabicuŋ i nyim ot man, pien nyiŋi tye i ot man, ci wabikok boti pi aroma can wa i nyimi; in ibiwinyo ci ilarowa.’

Diki wucit ka lweny i komgi; nen, gibibino kun giwok ki i wi cere me Jij; wubinonogi wa ka ma nota ogik iye, yo tuŋ wokceŋ me tim Jeruel.

Ci jo Juda gucokke kacel pi yenyo kony ki bot Rwot; dano ma gua ki i gaŋi ducu me Juda gucito ka yenyo kony ki bot Rwot.