Popular Bible Verses from 1 Jo Tecalonika 5

Share

Cwinywu obed yom kare ducu. Wuleg Lubaŋa ma pe wukeŋ. Wumi pwoc i kit gin ducu, pien meno aye gin ma Lubaŋa mito ki botwu i Kricito Yecu.

Lubaŋa kikome ma en won kuc omiwu wudok jo maleŋ i yo ducu, ogwok cwinywu ki tipowu ki komwu wek wubed laboŋo lok mo ma loyowu i kare me dwogo pa Rwota Yecu Kricito. Ŋat mulwoŋowu-ni genne, dok bitiyo.

Wunen maber ni ŋat mo i kinwu pe ocul gin marac pi tim marac ma gitimo i kome, ento kare ducu wutem me timo ber i kinwu kekenwu ki bot jo ducu.

Pi meno wucuk cwinywu kekenwu, dok wukonnye bene kekenwu wek wudoŋ i cwinywu, ŋat acel acel okony lawote me doŋo, kit macalo wutye ka timone-ni.

Dok wabako dogwa botwu, utmegiwa, wujuk jo ma balo kare laboŋo tic, wucuk cwiny jo ma cwinygi odoko nyap, wukony jo ma goro, wudi cwinywu bene i kom dano ducu.

Pien Lubaŋa pe oyerowa ni kinigane opot i komwa, ento ni walarre pi Rwotwa Yecu Kricito

Pien wun ducu wubedo jo me ceŋ, jo me dyeceŋ; wan pe jo me dyewor nyo me piny macol.