Popular Bible Verses from 1 Luker 19

Share

Ki i ŋe oyenyen mac obino, ento Rwot pe tye i mac. Ki i ŋe mac dwan matidi mo obino

Ento en aye ocito kene i tim, kun owoto wot me nino acel kulu, Ocito obedo i te yat laywe mo, olego Rwot ni, “Doŋ otum, ai Rwot, tin doŋ ikwany kwona woko; pien an pe aber akato kwarina ducu.”

Dok Rwot owaco bote ni, “Wot icit anyim, icuŋ i wi got i nyim Rwot.” Ci nen, Rwot oka to ka ŋete kun yamo madwoŋ mager tye ka baro godi, dok ŋido lela matitino i nyim Rwot; ento Rwot onoŋo pe i yamo-nu. Ki i ŋe yamo oyenyen obino, ento onoŋo Rwot pe tye i oyenyen meno.

Ka Elia owinyo, oumo waŋe ki boŋone, ci ocito kwede ocuŋ i dog boro. Nen, dwan obino bote ma waco bote ni, “Itimo gin aŋo kany, Elia?”

Ka oo kunnu, odonyo i boro mo, obedo iye. Lok pa Rwot obino bote kun waco bote nii “Itimo gin aŋo kany, Elia?”

Elia oa malo, ocamo dok omato pii, ci olimo tek mua i cam meno omiyo omedde ki wot ci oo kwede wa i Koreb ma got pa Lubaŋa-ni. Owoto pi nino pyeraŋwen dyeceŋ ki dyewor.

Obuto woko piny otugi nino woko i te yat laywe meno, Ci nen, lamalaika ogudo kome, owaco bote in, “Elia, a malo wek icam.”

Lamalaika pa Rwot dok odwogo bote tyen me aryone; ogudo kome kun dok owacce ni, “Elia, a malo wek icam, ka dok imat pii, pien wotti pud dit mada.”

Ogamo ni, “Nyeko obedo ka maka mada pi Rwot, ma Lubaŋa me mony; pien jo Icrael gubwoto gicikkeni woko, dok gumuko keno tyerri woko ducu, guneko lunebini woko ki pala Lucwan-gu, An aye doŋ adoŋ kena, dok bene gimito neka woko.”

Ka oa oneno piny, oneno capat ma gitedo i kom got malyet, ki pii i abino tye ka wiye. Ocako camone ka dok omato pii, ka dok obuto piny.

Jejebel ocwalo lakwena bot Elia kun wacce ni, “Ka pe di ki ka onyoo atyeko kwoni woko, kit ma ityeko kwede kwo pa lunebina woko-ni, ci lubaŋana myero guket can i koma kit meno ki makato bene.”

Ento abibwoto dano alip abiro i Icrael, jo ducu ma peya gurumo coŋgi i nyim jok Baal, ma doggi bene pe gunoto lem cal Baal pi nyuto woro bote.”

Elia oa woko ki kunnu, ocito onoŋo Elica wod pa Capat. Elica tye ka pur kun tye ki kweri dyaŋ apar wiye aryo ma guryeyo i nyime, ma twoni pur giywayogi aryo aryo; en kikome aye tye ki me apar wiye aryone. Elia okato ki ka ŋete, obolo boŋone i kome.

Elica oweko lubo kor Elia, odok cen, ogonyo twonine aryo onekogi woko, ka otedo riŋogi ki rii ŋutgi ma ka yen, opoko bot dano ma gitye kunnu, ci gucamo. Ka doŋ oa ocito ka lubo kor Elia, ocako konye macalo laticce.

Elica otugi weko twonine woko, ocako ŋwec i kor Elia kun wacci, “Wek koŋ acicik wora ki maa, ka doŋ adwogo alubo kori.” Elia ogamo ni, “Dok giri cen do, an kono atimo kit gin aŋo i komi?”