Popular Bible Verses from 1 Luker 17

Share

Pien Rwot Lubaŋa pa Icrael ocika kuman ni, ‘Moko kwon pe bitum woko i abino, moo pe birem woko i atabo, nio ka Rwot ocwalo kot ocwer i lobo.’ ”

I kare meno Elia Laticbe, ma gaŋgi Ticbe ma i Gilead, owaco bot Akab ni, “Macalo Rwot Lubaŋa pa Icrael tye makwo-ni, ma an acuŋ i nyime, i mwaka ma bino-ni toyo bibedo peke kadi wa kot bene, nio ka doga aye dok biloko.”

Elia ogamo ni, “Pe ilwor, cit icitim kit ma iwaco-ni; ento koŋ idolla kwon manok ikella, ka dok lacen icidol piri ki pi wodi.

Dako ogamo ni, “Macalo Rwot Lubaŋani tye makwo-ni, pe atye ki kwon mo ma amyeno, ento atye ki moko kwon poŋ ciŋ acel keken ma odon i abino, ki moo tedo manok mo i atabo moo; man atye ka coko yen riddo mogo wek adok kwede ka acited pira ki pi woda, ka wek doŋ wacam ci wato kwede.”

“A malo, icil wa i Jarepat, ma cok ki Cidon, ici bed kunnu, Atyeko ciko dako mo kunnu ma cware oto ma bimiyi cam.”

kun moko kwon pe tum ki i abino, moo bene pe rem i atabo, kit ma Rwot owaco ki dog Elia-ni

Dako-nu ocito otedo kit ma Elia owacce-ni, ci dako-nu ki Elia ki jo ma i ode ducu gubedo ka camone pi nino mapol

Elia oa malo ocito i Jarepat. Ka oo cok ki dog gaŋ, nen, daa-to mo tye ka coko yen riddo. Elia olwone kun waco bote ni, “Cikella pii mo i agwata wek amati.”

Ibimato pii ma i kulu-nu, dok atyeko ci ko winyo agak ma gibipiti kunnu.”

Ka dako ocako wot me kela pii, ci dok olwone, owacce ni, “Cikella kwon mo man ok i ciŋi.”

Agak gutero kwon ki riŋo-gu bote i odiko, ka dok otyeno bene guterre kwon ki riŋo. En obedo ka mato pii i kulu Kerit.

Lacen pii ma i kulu otwo woko, pien kot doŋ pe cwer i lobo.

Dakonu owaco bot Elia ni, “Ai rwoda, kombeddi doŋ aŋeyo atir ni in i dano pa Lubaŋa, dok Jok pa Rwot ma iwaco ki dogi bene me ada.”

Elia ocito kit ma Rwot owacce-ni, ocito obedo i ŋet laora kulu Kerit ma i ne kulu Jordan yo tuŋ wokceŋ.

Rwot owinyo koko pa Elia, omiyo tipo kom latin odwogo cen i kome, ka cwinye odwogo