Popular Bible Verses from 1 Jo Korint 13

Share

Mar diyo cwinye, dok lakica bene; mar pe lanyeko, pe wakke; pe nyatte, pe tiyo gin ma pe myero, pe yenyo gin mukemo en kene; pe bedo ki keccwiny, pe bedo kun keto cwinye i kom gin marac ma gitimo i kome

Mar diyo cwinye i kom jami ducu, ye lok ducu,, dok bedo ki gen i kare ducu, keto tek bene me ciro jami ducu.

cwinye pe bedo yom i kom tim ma pe atir, ento cwinye bedo yom i lok ada.

Doŋ tye gin adek ma gibedo matwal: niye, gen, mar; ento gin ma pire dit ma katogi ducu en aye mar.

Mar pe gik; ento lok atita bitum woko; kadi ki dumo leb bene bigik woko; kadi ŋec bene bitum woko

Kadi aloko leb pa dano ki pa lumalaika, ka pe atye ki mar, abedo calo olaŋ ma kok, gara ma wo awoya.

Ka atye ki mot me tito lok pa Lubaŋa macalo lanebi, ma aniaŋ i muŋ ducu, dok bene noŋo atye ki ŋec ducu, ma atye bene ki niye ducu, ma atwero bene kobo kwede godi madoŋo-gu woko ka mukene, ce pe atye ki mar, ci pe a gin mo.

Ka apoko jami ducu ma atye kwede, ma bene amiyo koma ni giwaŋ woko ki mac, ento ka pe atye ki mar, ci pe konya ki gin mo.

I kare ma pud an latin, aloko lok calo latin, aparo jami ducu calo latin; ento kombeddi ma doŋ ateggi-ni, doŋ abwoto kit me tino woko.