Popular Bible Verses from 1 Tekwaro 16

Share

Wubin bot Rwot wek wunon tek ki bote, wubed i nyime nakanaka.

Wumi pwoc bot Rwot, pien en ber; mar mere ma pe lokke bedo nakanaka!

Wumi pwoc bot Rwot, wulwon nyiŋe, wumi ticce oneŋe i rok ducu!

Wuket deyo i kom nyiŋe maleŋ; jo ma yenyo Rwot cwinygi obed yom!

Wupo kom tic me aura ma en otiyo ducu, ginaura ma yam otiyo ki kop ma oŋolo

Wuwer bote wer me pako en, wutit ticce me aura ducu!

Rwot aye dit, myero gipake twatwal, myero gilwore makato lubaŋa mukene-gu ducu.

Wumi deyo bot Rwot muporo nyiŋe; wukel gityer, wubin wa i nyime! Wuwor Rwot ki boŋo maleŋ

Deyo ki dit tye bote, tek ki yomcwiny tye ka ma en bedo iye.

Wuwer bot Rwot, wun lobo ducu! wutit pi larre nino ducu.

Wutuc deyone bot lurok, wutit ticce me aura bot rok ducu!

“Pe wugud kom jo ma an awirogi, pe wutim lunebina marac!”

Pien lubaŋa pa lurok ducu gin cal jogi apaya, ento Rwot aye oketo polo.

En cwinye omoko i kom gicikkene ma bedo nakanaka, i kom lok ma yam ociko, pi yatwak alip ki alip

Polo iye obed yom lobo bene obed ma cwinye yom, dano guwac i kin lurok ni, “Rwot tye ka loc!”

Gipwo Rwot, Lubaŋa pa Icrael, nia con ki con nio nino ma pe tum!” Lwak ducu gugamo ni, “Amen!” ci gupako Rwot.

Wun kaka me rok ducu, wumi deyo bot Rwot, wumi deyo ki tek bot Rwot!