Popular Bible Verses from رِسَالَةْ تِيطُسْ 1

Share

كَيْعْتَرْفُو بْلِّي هُمَ كَيْعَرْفُو اللَّهْ، وَلَكِنْ بْفْعَايْلْهُمْ كَيْنَكْرُوهْ، رَاهُمْ مْكْرُوهِينْ وْمَا كَيْطِيعُوشْ، وْمَا كَيْقَدْرُو يْدِيرُو حْتَّى حَاجَة مْزْيَانَة.

رَاهْ كُلّْشِي نْقِي لْلنَّاسْ النّْقِيِّينْ، أَمَّا الْمْنْجُوسِينْ وْاللِّي مَاشِي مُومْنِينْ رَاهْ حْتَّى حَاجَة مَا نْقِيَّة لِيهُمْ، حِيتْ عْقَلْهُمْ وْلَّا مْنْجُوسْ وْحْتَّى ضَمِيرْهُمْ.

شَادّْ فْكْلَامْ اللَّهْ اللِّي تْعَلّْمُه، بَاشْ يْكُونْ قَادْرْ يْشَجّْعْ الْمُومْنِينْ بْالتَّعْلِيمْ الصّْحِيحْ، وْيْرَدّْ عْلَى اللِّي كَيْضَادُّوهْ.

حِيتْ الرَّاعِي دْ الْكْنِيسَة اللِّي مْسْؤُولْ عْلَى خْدْمَةْ اللَّهْ، خَاصُّه يْكُونْ مَا عْلِيهْ لُومْ، مَا مْتْكَبّْرْشْ، مَا كَيْتّْقَلّْقْشْ، مَا كَيْسْكَرْشْ، مَا كَيْجْبَدْشْ الصّْدَاعْ، وْمَا كَيْطْمَعْشْ فْالرّْبَحْ دْ الْحْرَامْ، وَلَكِنْ خَاصُّه يْكُونْ كَيْضَايْفْ النَّاسْ الْبْرَّانِيِّينْ وْكَيْبْغِي الْخِيرْ، شَارْبْ عَقْلُه، وْيْكُونْ كَيْطِيعْ اللَّهْ وْمْتَّاقِي، كَيْتّْحَكّْمْ فْرَاسُه،

خَاصّْ كُلّْ وَاحْدْ مْنّْهُمْ يْكُونْ مَا عْلِيهْ لُومْ، مْزَوّْجْ بْمْرَاة وَحْدَة، وْيْكُونُو وْلَادُه مُومْنِينْ، حْتَّى وَاحْدْ مَا كَيْتَّهْمْهُمْ بْالْفْسَادْ، وْمَا يْكُونُوشْ مْتْمَرّْدِينْ.