Popular Bible Verses from رُومَا 13

Share

وَلَكِنْ كُونُو بْحَالْ الرَّبّْ يَسُوعْ الْمَسِيحْ، وْمَا تّْشَغْلُوشْ بْالدَّاتْ دْيَالْكُمْ بَاشْ تْرْضِيوْ الشَّهْوَة دْيَالْهَا.

مَا يْكُونْ عْلِيكُمْ حْتَّى دِينْ مْنْ شِي حَدّْ، مْنْ غِيرْ مْحَبّْتْكُمْ لْبَعْضِيَّاتْكُمْ، حِيتْ اللِّي كَيْبْغِي غِيرُه، رَاهْ دَارْ بْالشّْرَعْ كُلُّه.

خَاصّْ كُلّْ وَاحْدْ يْطِيعْ صْحَابْ السُّلْطَة، حِيتْ مَا كَايْنَاشْ شِي سُلْطَة مْنْ غِيرْ اللِّي مْنْ عَنْدْ اللَّهْ. وْصْحَابْ السُّلْطَة اللِّي كَايْنِينْ دَابَا، رَاهْ اللَّهْ هُوَ اللِّي خْتَارْهُمْ.

رَاهْ اللِّيلْ قَرّْبْ يْسَالِي، وْالنّْهَارْ قَرّْبْ يْطْلَعْ. إِيوَا خَاصّْنَا نْحَيّْدُو الْأَعْمَالْ دْيَالْ الضّْلَامْ، وْنْلَبْسُو السّْلَاحْ دْيَالْ النُّورْ.

الْمْحَبَّة مَا كَتْدِيرْشْ الشَّرّْ لْلنَّاسْ، وْهَكَّا كَتْكَمّْلْ الْمْحَبَّة الشّْرَعْ كُلُّه.

إِيوَا عْطِيوْ لْكُلّْ وَاحْدْ حَقُّه: خَلّْصُو ݣَاعْ الضَّرَائِبْ لْمَّالِينْ الضَّرِيبَة، طِيعُو اللِّي كَيْسْتَاهْلُو الطَّاعَة، وْحْتَرْمُو اللِّي كَيْسْتَاهْلُو الْإِحْتِرَامْ.