Popular Bible Verses from رُومَا 10

Share

عْلَاحْقَّاشْ إِلَا عْتَرْفْتِي بْفُمّْكْ بْلِّي يَسُوعْ هُوَ الرَّبّْ، وْآمْنْتِي مْنْ قَلْبَكْ بْلِّي اللَّهْ بَعْتُه مْنْ بِينْ الْمُوتَى، رَاكْ غَتْنْجَا.

حِيتْ الْإِيمَانْ مْنْ الْقَلْبْ كَيْدِّي لْلتَّقْوَى، وْالْاعْتِرَافْ بْالْفُمّْ كَيْدِّي لْلنّْجَا.

الْإِيمَانْ كَيْجِي مْنْ دَاكْشِّي اللِّي كَيْتّْسْمَعْ، وْدَاكْشِّي اللِّي كَيْتّْسْمَعْ كَيْجِي مْنْ الْكْلَامْ دْيَالْ الْمَسِيحْ.

عْلَاحْقَّاشْ كْتَابْ اللَّهْ كَيْݣُولْ: «اللِّي كَيْآمْنْ بِيهْ مَا غَيْخِيبْشْ» رَاهْ مَا كَايْنْشْ الْفَرْقْ بِينْ لِيهُودْ وْالْيُونَانِيِّينْ، حِيتْ كُلّْهُمْ عَنْدْهُمْ رَبّْ وَاحْدْ، كَيْفِيضْ بْالْخِيرْ دْيَالُه عْلَى كُلّْ مْنْ كَيْطْلْبُه. وْرَاهْ كْتَابْ اللَّهْ كَيْݣُولْ: «اللِّي كَيْطْلَبْ بْإِسْمْ الرَّبّْ غَيْنْجَا».

وْكِيفَاشْ غَيْبَشّْرُو إِلَا مَا صِيفْطْهُمْ حَدّْ؟ كِيفْ مْكْتُوبْ فْكْتَابْ اللَّهْ: «شْحَالْ زْوِينَة قْدَامْ هَادُوكْ اللِّي كَيْخَبّْرُو بْالْبْشَارَة».

وَلَكِنْ كِيفَاشْ غَيْطْلْبُوهْ وْهُمَ مَا آمْنُوشْ بِيهْ؟ وْكِيفَاشْ غَيْآمْنُو بِيهْ وْهُمَ مَا سْمْعُوشْ بِيهْ؟ وْكِيفَاشْ غَيْسَمْعُو بِيهْ بْلَا مَا يْبَشّْرْهُمْ حْتَّى وَاحْدْ؟

حِيتْ الْمَسِيحْ كَمّْلْ الْغَرَضْ دْيَالْ الشّْرَعْ، بَاشْ ݣَاعْ النَّاسْ اللِّي كَيْآمْنُو بِيهْ يْوَلِّيوْ مْتَّاقْيِينْ اللَّهْ.