Popular Bible Verses from الرُّؤْيَا 9

Share

وْالنَّاسْ اللِّي بْقَاوْ وْمَا مَاتُوشْ بْهَادْ الْمْصَايْبْ، ݣَاعْ مَا تَابُو عْلَى دَاكْشِّي اللِّي دَارْتْ يْدِّيهُمْ، وْبْقَاوْ كَيْعَبْدُو الشَّيَاطِينْ، وْالْأَصْنَامْ دْيَالْ الدّْهَبْ، وْالْفْضَّة، وْالنّْحَاسْ، وْالْحْجَرْ، وْالْخْشَبْ، اللِّي مَا كَيْقَدْرُو لَا يْشُوفُو وَلَا يْسَمْعُو وَلَا يْمْشِيوْ، وْمَا تَابُوشْ حْتَّى عْلَى الْقْتِيلَة، وْالسّْحُورْ، وْالْفْسَادْ، وْالسّْرْقَة دْيَالْهُمْ.

وْمْنْ هَادْ الدّْخَّانْ خْرَجْ الجّْرَادْ وْغْطَّا وْجَهْ الْأَرْضْ، وْتّْعْطَاتْ لِيهْ الْقُدْرَة بْحَالْ الْقُدْرَة دْيَالْ الْعْݣَارْبْ دْ الْأَرْضْ. وْتّْݣَالْ لِيهْ بَاشْ مَا يْآدِيشْ الرّْبِيعْ دْيَالْ الْأَرْضْ، وَلَا حْتَّى شِي حَاجَة خَضْرَا وَلَا شِي شَجْرَة، مْنْ غِيرْ النَّاسْ اللِّي مَا عَنْدْهُمْشْ الطَّابْعْ دْ اللَّهْ عْلَى جْبَهْتْهُمْ.

وْنْفَخْ الْمَلَاكْ الْخَامْسْ فْالْبُوقْ دْيَالُه، وْشْفْتْ وَاحْدْ النّْجْمَة طَاحْتْ مْنْ السّْمَا لْلْأَرْضْ، وْتّْعْطَى لِيهَا السَّارُوتْ دْيَالْ بِيرْ الْهَاوِيَة.

وْتّْعْطَاهْ الْحَقّْ بَاشْ مَا يْقْتَلْهُومْشْ وَلَكِنْ يْعَدّْبْهُمْ خَمْسْ شْهُورْ. وْالْعْدَابْ اللِّي كَيْتّْسَبّْبْ فِيهْ كَيْشْبَهْ لْعْدَابْ الْعَݣْرْبْ مْلِّي كَتْعَضّْ بْنَادْمْ.

وْعَنْدْهُمْ مَلِكْ هُوَ مَلَاكْ الْهَاوِيَة، سْمِيتُه بْالْعِبْرِيَّة «أَبَدُّونْ» وْبْالْيُونَانِيَّة «أَبُولِّيُّونْ».