Popular Bible Verses from الرُّؤْيَا 22

Share

أَنَا الْأَلِفْ وْالْيَاءْ، اللّْوّْلْ وْاللّْخْرْ، الْبْدُو وْالتَّالِي».

هَانِي جَايْ دْغْيَا وْمْعَايَ الْأُجْرَة بَاشْ نْجَازِي كُلّْ وَاحْدْ عْلَى حْسَابْ أَعْمَالُه.

رُوحْ اللَّهْ وْالْعْرُوسَة كَيْݣُولُو: «أَجِي!»، وْاللِّي سْمَعْ يْݣُولْ: «أَجِي!» وْاللِّي عْطْشَانْ يْجِي. وْاللِّي بْغَا، يَاخُدْ الْمَا دْيَالْ الْحَيَاةْ بْلَا تَمَنْ.

سْعْدَاتْ اللِّي كَيْصَبّْنُو حْوَايْجْهُمْ، بَاشْ يْكُونْ عَنْدْهُمْ الْحَقّْ فْشَجْرَةْ الْحَيَاةْ، وْبَاشْ يْدَخْلُو لْلْمْدِينَة مْنْ بِيبَانْهَا.

«هَانِي جَايْ دْغْيَا. سْعْدَاتْ اللِّي كَيْدِيرْ بْكْلَامْ النُّبُوَّة دْيَالْ هَادْ الْكْتَابْ».

وْمَا غَيْكُونْشْ اللِّيلْ تْمَّ، وْمَا غَيْحْتَاجُو لَا لْلضُّو دْيَالْ الْقْنْدِيلْ وْلَا دْيَالْ الشّْمْسْ، عْلَاحْقَّاشْ الرَّبّْ الْإِلَاهْ هُوَ اللِّي غَيْضَوِّي عْلِيهُمْ، وْغَيْمَلْكُو دِيمَا وْعْلَى الدّْوَامْ.

هَادَاكْ اللِّي شْهَدْ بْهَادْ الْأُمُورْ كَيْݣُولْ: «إِيِّهْ، هَانِي جَايْ دْغْيَا». آمِينْ، أَجِي آ الرَّبّْ يَسُوعْ. نِعْمَةْ الرَّبّْ يَسُوعْ تْكُونْ مْعَاكُمْ كُلّْكُمْ.

أَنَا يُوحَنَّا، كَنَّبّْهْ كُلّْ مْنْ كَيْسْمَعْ كْلَامْ النُّبُوَّة اللِّي فْهَادْ الْكْتَابْ: إِلَا شِي وَاحْدْ زَادْ عْلَى هَادْشِّي، رَاهْ اللَّهْ غَيْزِيدْ عْلِيهْ الْمْصَايْبْ اللِّي مْكْتُوبِينْ فْهَادْ الْكْتَابْ. وْإِلَا شِي وَاحْدْ حَيّْدْ شِي حَاجَة مْنْ كْلَامْ النُّبُوَّة اللِّي فْهَادْ الْكْتَابْ، رَاهْ اللَّهْ غَيْحَيّْدْ حَقُّه مْنْ شَجْرَةْ الْحَيَاةْ وْمْنْ الْمْدِينَة الْمْقَدّْسَة اللِّي مْكْتُوبِينْ فْهَادْ الْكْتَابْ.