Popular Bible Verses from الرُّؤْيَا 14

Share

وْمْنْ بَعْدْ، سْمَعْتْ وَاحْدْ الصُّوتْ مْنْ السّْمَا كَيْݣُولْ: «كْتَبْ: سْعْدَاتْ هَادُوكْ اللِّي مْنْ دَابَا كَيْمُوتُو وْهُمَ مْآمْنِينْ بْالرَّبّْ». «إِيِّهْ» كَيْݣُولْ رُوحْ اللَّهْ: «غَيْرْتَاحُو مْنْ تَمَارَة دْيَالْهُمْ، حِيتْ أَعْمَالْهُمْ كَيْتْبْعُوهُمْ».

وْهْنَا فِينْ كَيْبَانْ الصّْبَرْ دْيَالْ الْمْقَدّْسِينْ اللِّي كَيْدِيرُو بْوْصِيَّاتْ اللَّهْ، وْاللِّي تَابْتِينْ فْإِيمَانْهُمْ بْيَسُوعْ.

وْكَانْ كَيْبَرّْحْ بْوَاحْدْ الصُّوتْ قْوِي وْكَيْݣُولْ: «خَافُو اللَّهْ وْعْطِيوْهْ الْعَزّْ، حِيتْ جَاتْ سَاعْةْ الْحْسَابْ دْيَالُه، إِيوَا سْجْدُو لْلِّي خْلَقْ السّْمَا وْالْأَرْضْ وْالْبْحَرْ وْالْعْيُونْ دْ الْمَا».

وْتْبَعْهُمْ الْمَلَاكْ التَّالْتْ كَيْݣُولْ بْوَاحْدْ الصُّوتْ قْوِي: «اللِّي سْجَدْ لْهَادَاكْ الْحَيَوَانْ وْلْلصَّنَمْ دْيَالُه، وْقْبَلْ الْعَلَامَة دْيَالُه عْلَى جْبَهْتُه وْلَا عْلَى يْدُّه، رَاهْ حْتَّى هُوَ غَيْشْرَبْ مْنْ خْمَرْ الْغَضَبْ دْ اللَّهْ اللِّي تّْخْوَى فْالْكَاسْ دْ الْغَضَبْ دْيَالُه بْلَا مَا يْتّْخَلّْطْ، وْغَيْتّْعَدّْبْ بْالْعَافْيَة وْالْكْبْرِيتْ قُدَّامْ الْمَلَايْكَة الْمْقَدّْسِينْ وْقُدَّامْ الْخْرُوفْ. وْغَيْطْلَعْ دْخَّانْ عْدَابْهُمْ دِيمَا وْعْلَى الدّْوَامْ، وْمَا غَتْكُونْشْ الرَّاحَة لَا لِيلْ وَلَا نْهَارْ عَنْدْ هَادُوكْ اللِّي كَيْسَجْدُو لْلْحَيَوَانْ وْلْلصَّنَمْ دْيَالُه، وْاللِّي قْبْلُو الْعَلَامَة دْيَالْ سْمِيتُه».

وْمْنْ بَعْدْ، شْفْتْ وْهُوَ يْبَانْ لِيَّ وَاحْدْ الْخْرُوفْ وَاقْفْ فُوقْ جْبَلْ صِهْيَوْنْ، وْمْعَاهْ مْيَة وْرْبْعَة وْرْبْعِينْ أَلْفْ وَاحْدْ مْكْتُوبَة عْلَى جْبَاهِيهُمْ سْمِيّْةْ الْخْرُوفْ وْسْمِيّْةْ بَّاهْ.

وْمْنْ بَعْدْ، شْفْتْ مَلَاكْ آخُرْ كَيْطِيرْ فْالسّْمَا، جَايْبْ مْعَاهْ وَاحْدْ الْبْشَارَة دَايْمَة، بَاشْ يْخَبّْرْ بِيهَا اللِّي سَاكْنِينْ فْالْأَرْضْ مْنْ كُلّْ أُمَّة وْقْبِيلَة وْلُغَة وْشَعْبْ.

وْتْبْعُه الْمَلَاكْ التَّانِي كَيْݣُولْ: «تْخَرّْبَاتْ! تْخَرّْبَاتْ بَابِلْ الْكْبِيرَة اللِّي سْقَاتْ الشّْعُوبْ كُلّْهُمْ مْنْ خْمَرْ الْغَضَبْ دْ الْفْسَادْ دْيَالْهَا!».