Popular Bible Verses from الرُّؤْيَا 11

Share

وْنْفَخْ الْمَلَاكْ السَّابْعْ فْالْبُوقْ دْيَالُه، وْتّْسَمْعَاتْ صْوَاتْ قْوِيَّة فْالسّْمَا كَتْݣُولْ: «الْمَمْلَكَة دْيَالْ الدّْنْيَا وْلَّاتْ دْيَالْ رَبّْنَا وْالْمَسِيحْ دْيَالُه، وْغَيْمْلَكْ دِيمَا وْعْلَى الدّْوَامْ».

وْتّْقَلّْقُو الشّْعُوبْ اللِّي مَاشِي يْهُودْ، وْهُوَ يْنْزَلْ الْغَضَبْ دْيَالْكْ، وْجَا الْوَقْتْ اللِّي فِيهْ غَيْتّْحَاسْبُو الْمُوتَى، وْيْتّْجَازَاوْ عْبِيدْكْ الْأَنْبِيَا وْالْمْقَدّْسِينْ وْاللِّي كَيْحْتَرْمُو الْإِسْمْ دْيَالْكْ، الصّْغَارْ وْالْكْبَارْ، وْيْتّْهَلْكُو اللِّي كَيْخَرّْبُو الْأَرْضْ».

وْغَنْعْطِي السُّلْطَة لْجُوجْ دْ الشّْهُودْ دْيَاوْلِي، بَاشْ يْتّْنَبّْأُو لْمُدَّةْ أَلْفْ وْمْيَتَايْنْ وْسْتِّينْ يُومْ وْهُمَ لَابْسِينْ الْخِيشْ».

وْمْنْ بَعْدْ تْلْتْ يَّامْ وْنَصّْ، رْجْعَاتْ رُوحْ الْحَيَاةْ مْنْ عَنْدْ اللَّهْ لْهَادُوكْ الجُّوجْ اللِّي مَاتُو، وْوْقْفُو عْلَى رْجْلِيهُمْ، وْتّْخَلْعُو هَادُوكْ اللِّي كَانُو كَيْشُوفُو فِيهُمْ.

وْهَادْ الشّْهُودْ عَنْدْهُمْ السُّلْطَة بَاشْ يْسَدُّو السّْمَا بَاشْ مَا تْطِيحْشْ الشّْتَا فْلِيَّامْ اللِّي غَيْتّْنَبّْأُو فِيهَا، وْعَنْدْهُمْ السُّلْطَة بَاشْ يْرَدُّو الْمَا دْمّْ، وْيْسَلّْطُو ݣَاعْ الْمْصَايْبْ عْلَى الْأَرْضْ وَقْتْمَا بْغَاوْ.

وْهَادْ جُوجْ دْ الشّْهُودْ هُمَ جُوجْ دْ الشّْجْرَاتْ دْ الزِّيتُونْ وْجُوجْ دْ الْحَسْكَاتْ، وْهُمَ اللِّي وَاقْفِينْ قُدَّامْ رَبّْ الْأَرْضْ. وْإِلَا بْغَا شِي وَاحْدْ يْآدِيهُمْ، كَتْخْرَجْ الْعَافْيَة مْنْ فُمّْهُمْ وْكَتَاكُلْ عْدْيَانْهُمْ. وْإِلَا بْغَا شِي وَاحْدْ يْآدِيهُمْ، بْحَالْ هَكَّا خَاصُّه يْتّْهْلَكْ.