Popular Bible Verses from رِسَالَةْ فِيلِبِّي 2

Share

وْعَمّْرْكُمْ مَا تْدِيرُو شِي حَاجَة بْالْأَنَانِيَّة وْالْإِفْتِخَارْ، وَلَكِنْ بْالتَّوَاضُعْ، فَكّْرُو دِيمَا تْفَضّْلُو غِيرْكُمْ عْلَى رَاسْكُمْ. وْحْتَّى وَاحْدْ مْنّْكُمْ مَا يْفَكّْرْ غِيرْ فْمْصْلَحْتُه، وَلَكِنْ حْتَّى فْمْصْلَحْةْ النَّاسْ لْخْرِينْ.

وْدَاكْشِّي اللِّي كَتْدِيرُوهْ خَاصُّه يْكُونْ بْحَالْ دَاكْشِّي اللِّي دَارُه الْمَسِيحْ يَسُوعْ

هُوَ اللِّي كَانْ فْالطّْبِيعَة دْ اللَّهْ، عَمّْرُه مَا فَكّْرْ يْسْتَغْلّْ الْمْسَاوْيَة دْيَالُه مْعَ اللَّهْ لْمْصْلَحْتُه. وَلَكِنْ تّْنَازْلْ عْلَى الْقِيمَة دْيَالُه، وْخْدَا الطّْبِيعَة دْيَالْ عَبْدْ، وْوْلَّى فْصُورْةْ بْنَادْمْ، وْتّْعْرَفْ بْحَالْ بْنَادْمْ بِينْ النَّاسْ. تْوَاضْعْ وْطَاعْ حْتَّى لْلْمُوتْ، الْمُوتْ عْلَى الصّْلِيبْ.

حِيتْ اللَّهْ هُوَ اللِّي كَيْخْدَمْ فِيكُمْ بَاشْ تْبْغِيوْ وْتْدِيرُو دَاكْشِّي اللِّي كَيْرْضِيهْ.

هَادْشِّي عْلَاشْ رْفَعْ اللَّهْ مْقَامُه، وْعْطَاهْ إِسْمْ فُوقْ مْنْ كُلّْ إِسْمْ، بَاشْ تْسْجَدْ لْإِسْمْ يَسُوعْ كُلّْ رْكْبَة، فْالسّْمَا وْعْلَى الْأَرْضْ وْتَحْتْ الْأَرْضْ، وْيْعْتَرْفْ كُلّْ لْسَانْ بْلِّي يَسُوعْ الْمَسِيحْ هُوَ الرَّبّْ، بَاشْ يْبَانْ الْعَزّْ دْيَالْ اللَّهْ الْآبْ.

دِيرُو كُلّْشِي بْلَا مَا تّْشْكَّاوْ وْبْلَا مَا تْخَاصْمُو عْلَى بْعْضِيَّاتْكُمْ، بَاشْ تْكُونُو بْلَا لُومْ وْنْقِيِّينْ. وْتْكُونُو وْلَادْ اللَّهْ، مَا فِيكُمْ حْتَّى عِيبْ فْوَسْطْ جِيلْ حْيَاتُه فَاسْدَة، وْتْضَوِّيوْ وَسْطْ النَّاسْ بْحَالْ الضُّو فْالدّْنْيَا،

إِيوَا آ خُوتِي الْعْزَازْ، كِمَا كْنْتُو دِيمَا كَتْطِيعُونِي، هَاكْدَا دَابَا خَاصّْكُمْ تْطِيعُونِي كْتَرْ، مَاشِي غِيرْ وْأَنَا حَاضْرْ، وَلَكِنْ حْتَّى وْأَنَا غَايْبْ، وْدِيرُو جَهْدْكُمْ بَاشْ تْكَمّْلُو النّْجَا دْيَالْكُمْ بْالْخُوفْ وْالطَّاعَة.