Popular Bible Verses from يَعْقُوبْ 1

Share

فْرْحُو مْنْ كُلّْ قَلْبْكُمْ آ خُوتِي مْلِّي تْكُونُو كَتْدُوزُو فْݣَاعْ الْمْحَايْنْ، وْرَاكُمْ عَارْفِينْ بْلِّي وَقْتْمَا تْجَرّْبْتُو فْإِيمَانْكُمْ كَيْوَلِّي عَنْدْكُمْ الصّْبَرْ.

وَلَكِنْ إِلَا كَانْ شِي وَاحْدْ مْنّْكُمْ نَاقْصَاهْ الْحْكْمَة، خَاصُّه يْطْلَبْهَا مْنْ اللَّهْ اللِّي كَيْعْطِي لْكُلّْ وَاحْدْ بْالسّْخَاوَة بْلَا مَا يْلُومْ حَدّْ، وْهُوَ غَيْعْطِيهَا لِيهْ.

خَاصّْكُمْ تْعَرْفُو آ خُوتِي الْعْزَازْ، بْلِّي كُلّْ وَاحْدْ فِيكُمْ خَاصّْ يْكُونْ كَيْسْمَعْ دْغْيَا، وْيْكُونْ تْقِيلْ فْكْلَامُه، وْمَا كَيْتّْقَلّْقْشْ دْغْيَا.

إِيوَا خَلِّيوْ صْبَرْكُمْ يْكْمَلْ، بَاشْ تْكُونُو مْكْمُولِينْ وْمَا نَاقْصِينْ فْحْتَّى حَاجَة.

دِيرُو بْكْلَامْ اللَّهْ مَاشِي غِيرْ تْسَمْعُوهْ، وْلَا رَاهْ غَتْكُونُو كَتْخَدْعُو رَاسْكُمْ.

سْعْدَاتْ اللِّي كَيْصْبَرْ فْالتَّجْرِبَة، عْلَاحْقَّاشْ مْلِّي يْخْرُجْ مْنّْهَا غَيَاخُدْ تَاجْ الْحَيَاةْ اللِّي وَاعْدْ بِيهْ الرَّبّْ هَادُوكْ اللِّي كَيْبْغِيوْهْ.

كُلّْ هْدِيَّة مْزْيَانَة وْكُلّْ مَوْهِبَة مْكْمُولَة رَاهَا مْنْ الْفُوقْ، جَايَّانَا مْنْ عَنْدْ الْآبْ دْيَالْ النُّورْ، اللِّي مَا كَيْتّْبَدّْلْشْ وْمَا كَيْدِيرْشْ الْخْيَالْ مْلِّي كَيْتّْحَرّْكْ.

عْلَاحْقَّاشْ اللِّي كَيْسْمَعْ كْلَامْ اللَّهْ وْمَا كَيْدِيرْشْ بِيهْ، كَيْشْبَهْ لْشِي وَاحْدْ كَيْشُوفْ فْالْمْرَايَة وْجْهُه اللِّي بِيهْ تّْوْلَدْ، وْغِيرْ كَيْشُوفْ رَاسُه وْكَيْمْشِي، كَيْنْسَى شَكْلُه كِيفْ دَايْرْ.

رَاهْ الدِّينْ الصّْحِيحْ وْالنّْقِي عَنْدْ اللَّهْ الْآبْ هُوَ يْتّْهَلَّى الْوَاحْدْ فْالْيَتَامَى وْالْهْجَّالَاتْ اللِّي عَايْشِينْ فْالْمْحْنَة، وْيْحْفَضْ رَاسُه مْنْ وْسَخْ الدّْنْيَا.

إِلَا شِي وَاحْدْ كَيْتّْجَرّْبْ، مَا خَاصُّوشْ يْݣُولْ: «رَاهْ اللَّهْ كَيْجَرّْبْنِي»، حِيتْ اللَّهْ مَا كَيْتّْجَرّْبْشْ بْالشَّرّْ، وْهُوَ مَا كَيْجَرّْبْ حَدّْ. وَلَكِنْ رَاهْ كُلّْ وَاحْدْ كَيْتّْجَرّْبْ مْلِّي كَيْتّْغَرْ وْكَيْمْشِي وْرَا الشَّهْوَة دْيَالُه.

خَاصّْ الْخُو الْمُومْنْ الْفَقِيرْ يْفْتَخْرْ حِيتْ اللَّهْ رْفَعْ مْنْ شَانُه.