Popular Bible Verses from الرِّسَالَة لْلْعِبْرَانِيِّينْ 9

Share

هَكَّا حْتَّى الْمَسِيحْ قَدّْمْ حْيَاتُه دْبِيحَة لْلَّهْ مَرَّة وَحْدَة بَاشْ يْمْحِي الدّْنُوبْ دْيَالْ بْزَّافْ دْ النَّاسْ، وْرَاهْ غَيْرْجَعْ مَرَّة خْرَى مَاشِي بَاشْ يْحَيّْدْ الدّْنُوبْ، وَلَكِنْ بَاشْ يْنَجِّي اللِّي كَيْتّْسْنَّاوْ الْمْجِي دْيَالُه.

إِيوَا رَاهْ دْمّْ الْمَسِيحْ اللِّي قَدّْمْ حْيَاتُه لْلَّهْ بْالرُّوحْ الدَّايْمْ بْلَا مَا يْكُونْ فِيهْ حْتَّى عِيبْ حْسَنْ بْزَّافْ، وْالدّْمْ دْيَالُه غَادِي يْنَقِّي ضَمِيرْنَا مْنْ الْأَعْمَالْ اللِّي كَتْدِّي لْلْمُوتْ، بَاشْ نْعَبْدُو اللَّهْ الْحَيّْ.

وْكِيفْ كَيْمُوتُو النَّاسْ مَرَّة وَحْدَة، وْمْنْ بَعْدْ غَيْجِي يُومْ الْحِسَابْ،

وْعْلَى حْسَابْ الشّْرَعْ كُلّْ حَاجَة تْقْرِيبًا كَتّْنَقَّى بْالدّْمْ، وْبْلَا مَا يْسِيلْ الدّْمْ مَا كَيْتّْغَفْرُوشْ الدّْنُوبْ.

هَادْشِّي عْلَاشْ الْمَسِيحْ هُوَ الْوَسِيطْ دْيَالْ الْعَهْدْ الجّْدِيدْ، حِيتْ مَاتْ بَاشْ يْفْدِي النَّاسْ مْنْ الدّْنُوبْ اللِّي دَارُوهُمْ فْالْعَهْدْ اللّْوّْلْ، وْبَاشْ هَادُوكْ اللِّي خْتَارْهُمْ اللَّهْ يَاخْدُو الْوَرْتْ الدَّايْمْ اللِّي وَاعْدْهُمْ بِيهْ اللَّهْ.