Popular Bible Verses from رِسَالَةْ تْسَالُونِيكِي التَّانِيَّة 2

Share

مَا تْخَلِّيوْ حْتَّى وَاحْدْ يْخْدَعْكُمْ بْشِي طَرِيقَة كِمَا بْغَاتْ تْكُونْ، حِيتْ قْبَلْ مَا يْوْصَلْ دَاكْ النّْهَارْ لَابْدّْ مَا يْبَانْ الْكُفْرْ فْاللّْوّْلْ، وْبْنَادْمْ الْمْشْرَارْ اللِّي غَيْتّْهْلَكْ فْجَهْنَّمْ،

وَلَكِنْ حْنَا آ الْخُوتْ الْعْزَازْ عْلَى الرَّبّْ، رَاهْ وَاجْبْ عْلِينَا نْشَكْرُو اللَّهْ دِيمَا عْلَى وْدّْكُمْ، عْلَاحْقَّاشْ اللَّهْ خْتَارْكُمْ مْنْ الْبْدُو بَاشْ تْنْجَاوْ بْالتّْقْدِيسْ دْيَالْ الرُّوحْ الْقُدُسْ، وْبْالْإِيمَانْ دْيَالْكُمْ بْالْحَقّْ.

هَادَاكْ اللِّي غَيْضَادّْ وْيْدِيرْ رَاسُه فُوقْ ݣَاعْ دَاكْشِّي اللِّي كَيْحَسْبُوهْ النَّاسْ إِلَاهْ وْكَيْعَبْدُوهْ، لْدَرَجْةْ غَيْݣْلَسْ فْبِيتْ اللَّهْ وْغَيْݣُولْ بْلِّي هُوَ اللَّهْ وْغَيْدِيرْ رَاسُه حْسَنْ مْنُّه.

وْكَنْطْلَبْ رَبّْنَا يَسُوعْ الْمَسِيحْ، وْاللَّهْ بُونَا اللِّي بْغَانَا وْبْالنِّعْمَة دْيَالُه عْطَانَا التَّشْجِيعْ الدَّايْمْ وْالرّْجَا الْمْزْيَانْ، بَاشْ يْشَجّْعْكُمْ وْيْتَبّْتْكُمْ فْݣَاعْ الْأُمُورْ الْمْزْيَانَة اللِّي كَتْدِيرُوهَا وْكَتْݣُولُوهَا.

وْعْلَى هَادْشِّي كَيْصِيفْطْ لِيهُمْ اللَّهْ اللِّي يْغَلّْطْهُمْ بَاشْ يْآمْنُو بْالْكْدُوبْ،

الْمْجِي دْيَالْ الْمْشْرَارْ غَيْكُونْ بْالْقُوَّة دْ الشِّيطَانْ، وْغَيْدِيرْ ݣَاعْ الْمُعْجِزَاتْ وْالْعَلَامَاتْ وْالْعْجَايْبْ اللِّي فِيهُمْ الْخْدِيعَة، وْݣَاعْ نْوَاعْ الشَّرّْ، اللِّي بِيهْ غَيْخْدَعْ هَادُوكْ اللِّي غَيْتّْهَلْكُو، عْلَاحْقَّاشْ مَا قْبْلُوشْ مْحَبَّةْ الْحَقّْ بَاشْ يْنْجَاوْ.

حِيتْ السِّرّْ دْيَالْ الشَّرّْ رَاهْ كَيْخْدَمْ دَابَا، حْتَّى يْتّْحَيّْدْ هَادَاكْ اللِّي كَيْحَبْسُه،