Popular Bible Verses from كُورِنْتُوسْ التَّانِيَّة 9

Share

وْرَاهْ اللَّهْ قَادْرْ يْزِيدْكُمْ مْنْ كُلّْ نِعْمَة، بَاشْ فْكُلّْ وَقْتْ يْكُونْ عَنْدْكُمْ دَاكْشِّي اللِّي غَيْكْفِيكُمْ مْنْ كُلّْ حَاجَة، وْهَكَّا تْقَدْرُو تْزِيدُو فْكُلّْ خْدْمَة مْزْيَانَة.

وْخَاصّْ كُلّْ وَاحْدْ يْعْطِي دَاكْشِّي اللِّي نْوَى فْقَلْبُه مَاشِي وْهُوَ نَادْمْ وْلَا بَزّْزْ. حِيتْ اللِّي كَيْعْطِي وْهُوَ فْرْحَانْ كَيْبْغِيهْ اللَّهْ.

وْتّْفَكّْرُو بْلِّي اللِّي كَيْزْرَعْ قْلِيلْ كَيْحْصَدْ قْلِيلْ، وْاللِّي كَيْزْرَعْ كْتِيرْ كَيْحْصَدْ كْتِيرْ.

وْاللَّهْ اللِّي كَيْعْطِي الزّْرِّيعَة لْلزَّارْعْ وْالْخُبْزْ لْلْمَاكْلَة، غَيْوَجّْدْ وْيْكَتّْرْ لِيكُمْ الزّْرِّيعَة، وْيْزِيدْ مْنْ الْغْلَّة دْ الْأَعْمَالْ دْيَالْكُمْ اللِّي كَتْرْضِي اللَّهْ. وْغَيْغْنِيكُمْ فْكُلّْ حَاجَة، بَاشْ تْكُونُو سْخِيِّينْ فْكُلّْ وَقْتْ. وْهَادْشِّي غَادِي يْخَلِّي النَّاسْ يْشَكْرُو اللَّهْ عْلَى كُلّْ مَا دْرْنَا.

كَنْشَكْرُو اللَّهْ عْلَى الْهْدِيَّة دْيَالُه اللِّي مَا نْقَدْرُوشْ نْوَصْفُوهَا.